+ In nomine domini septimodecimo anno principatus domni nostri gisulfi gloriosus princeps, mense martius, undecima indictione. Ego mulier nomine musanda relicta quondam guidoni et filia quondam (deest nomen) ante presentia amati sculdais et ivique adesset idoneos homines clarifico habere rebus in locum copercle ubi padule dicitur, una pecia de terra cum arbustis et aliis arboribus et est per fines et mensurias iusto passu hominis mensuratas: A parte occidentis fine via et passi triginta duo et medium; a septemtrione passi quinquaginta quadtuor; Ab oriente fine ribus punticellum quod currit inter ac terra et terra iohanni notari filii quondam maraldi notari et passi triginta duo: A meridie passi quinquaginta unum; et congruum est michi integram suprascriptam peciam de terra cum arbustis et aliis arboribus per suprascripte finis et mensurias cum boluntate de mundoalt meum donare suprascripti Iohanni notario filio predicti maraldi notario. et ideo ego iamdicta musanda cum boluntate de mundoalt meum et per absolutionem suprascripti domni principi quam michi dandum direxit per ipsum amatus sculdais coram presentia ipsius amati donabit tivi suprascripti iohanni notario integram suprascriptam pecia de terra per suprascripte finis et mensurias cum omnia infra ipsa mea donatione habentibus homnibusque suis pertinentiis et cum bice de via sua, et cum integram partem mea de omnibus muniminibus ex ipsa mea donatione continentibus, hea ratione ud integram suprascriptam mea donatione semper sit in potestate tuaque Iohanni notari et de tuos heredes faciendum exinde omnia quod volueritis, absque omni mea et de meis heredibus contrarietate. et probter confirmationis uius donationis cum boluntate de mundoalt meum suscepi a te iamdicto Iohanne notario secundum langnobardorum regum edicto auri tari boni amalfitaniski triginta et unum auri tari et pellicia una in omni deliveratione, sicut inter nos combenit. et per combenientia ego iamdicta musanda cum boluntate de mundoalt meum guadiam tivi suprascripti Iohanni notario dedi et fideiussorem tivi posui meipsa et Iohannes filius quondam Iohanni. et per ipsam guadiam obligo me et meos heredes amodo et semper defendere tivi suprascripto Iohanni notario et ad tuis heredibus integram suprascripta mea donatione, qualiter suprascriptum est ab omnibus hominibus. quod si minime suprascripta mea donatione ego et meos heredes tivi suprascripto iohanne notario et ad tuis heredibus minime defendere potuerimus, tunc sicut in lex langnobardorum de donum et susceptum launegilt continet, sic ego et meos heredes tivi suprascripto iohanni notario et ad tuis heredibus adimpleamus. et quando tu et tuos heredes de suprascripta mea donatione per vos defendere bolueritis, potestatem abeatis illut per se defendere qualiter bultis cum homnibus muniminibus, et rationibus quas exinde ostenderitis; et si, sicut superius scriptum est, ego et meos heredes tivi suprascripti Iohanni notario et ad tuis heredibus non adinpleverimus, et suprascripta vel ex eis quicquam removere aut contradicere presumpserimus, per conbenientia per ipsam guadiam componere obligo me et meos heredes tivi suprascripto iohanni notario et ad tuis heredibus quinquaginta auri solidos costantinos et suprascripta adimplere, et illud quod est scriptum inter ipsi virguli, dicit tivi omnia suprascripta feci ego ego iamdicta musanda cum boluntate de mundoalt meum, ipsum disturbatum quod est in ipsu birgulu, dicit ego ego. et taliter te petrum notarium scrivere rogavimus. + Ego qui supra amatus sculdais. + Ego truppoaldus notarius me subscripsi. + Ego petrus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM