+ In nomine domini, septimodecimo anno principatus domni nostri gisulfi gloriosi principis, mense nobembri, duodecima indictione. Ante me petrum iudicem grifus filius quondam cuncti et leo filius quondam ursi magistri commacini, et lando filio quondam igni et maghenolphus filius quondam iohannis, abitatores de loco mitiliano, coniuncti sunt, et per ipsum grifum ostensa sunt scripta ita continentia: Ego grifus filius quondam cuncti dividi terras cum casas ligneas quas commune abeo cum leo filio quondam ursi magistri commacini et cum landone et miranda et gemma et grima filia quondam igni de loco mitiliano, et cum maghenolfo filio quondam iohannis et cum infantis intra etate nomina eorum petrus et marius et lando germani filii quondam iohannis, qui fuit filius ipsius igni genitorem iamdicti landonis intra hanc salernitanam civitatem in plaia montis propinquo aqua que dicitur palma; et feci exinde tres sortes, una in parte orientis, et in parte occidentis, et tertia in medium. Ipsa sors a parte orientis est per fines et mensuria: a parte orientis est finis terra vacua, que michi et ipsis leonis et maghenolfi commune est, et pedes octo minus plancta cum pollice; a parte septemtrionis finis anditum nostrum quod nobis commune inter nos reserbavimus, et in omni loco est latitudo ipsum anditum pedibus tribus et medium, et per eum mensurati per longitudine pedes triginta et medium; a parte occidentis finis ipsa sorte mediana recte mensurata usque facie de muro destructo, qui fuit de civitate betere pedes quattuordecim et medium; a parte meridie finis facie de suprascripto muro destructo et iuxta eum mensurati pedes triginta et unum minus uncia una. Et hoc feci esse primam sortem cum vice de ipso andito. Secunda sors feci ipsa sorte mediana que est per fines et mensuras: a parte septemptrionis finis ipso andito et per eum mensurati pedes decem et nobem et medium. A parte occidentis est finis ipsa tertia sors et pedes nobem et uncie due usque facie de suprascripto muro destructo; A parte meridie fine ipso muro destructo et iuxta eum mensurati pedes undecim et planta cum pollice; A parte orientis finis ipsa prima sors et pedes quattuordecim et medium usque iamdicto andito, et ex hoc feci esse secunda sors cum vice de ipso andito. Tertia sors feci ipsa sors ab ipsa parte occidentis, que est per finis et mensuria; A parte septemtrionis finis ipso andito et pedes nobem et planta cum pollice; A parte occidentis est finis facie de muro istius civitatis, et iuxta eum mensurati pedes quattuordecim minus planta cum pollice; A parte meridie finis facie de ipso muro destructo et pedes viginti et sex; A parte orientis est finis suprascripta secunda sors et pedes nobem et uncie due, et ex hoc feci esse tertia sors cum vice de ipso andito; Ipsam terram vacuam que, ut suprascriptum est, commune reserbavi inter me et ipsis leo et maghenolfo est per finis et mensuras; A parte septemtrionis finis via puplica et pedes duodecim; A parte orientis mensurati pedes nobem et medium; A parte meridiei finis iamdicto muro destructo; a parte occidentis finis iamdicta prima sors mensurati pedes octo minus planta cum pollice. omnis suprascripta mensuria mensurata fuit ad iusto pede manus hominis, de suprascripta terra vacua pertinet michi et ipsi leoni medietatem, et ipsi maghenolfo alteram medietatem. Cum autem iamdicta scripta hostensa sunt et lecta dum idonei homines ibidem interessent, dum sicut inter eos combenit, prius compreensit ipse maghenolfus de suprascriptis sortibus per absolutionem domni leoni veneravilis abbas monasterii sancte et individue trinitatis, quod constructum est foris hanc cibitatem in loco mitiliano pro parte suprascripti monasterii, in quo a preferito tempore per firma cartula optulit omnes res suas staviles quas ei pertinuit quomodocumque intus vel foris hanc civitatem, et pro parte gemme et alferade et gaite filie quondam Alferii germanum suprascripti iohannis genitor ipsius maghenolfi integram ipsam secundam sortem qualiter superius facta est cum omnibus que intra eam sunt cunctisque suis pertinentiis, et cum vice de ipso andito. Ea ratione ut integra medietas de suprascripta secunda sorte semper sit in potestate de partibus predicti monasterii; et liceat pars suprascripti monasterii ex eadem medietate facere quod voluerint. Altera vero medietas de suprascripta secunda sorte semper sit in potestate ipsarum gemme et alferade et gaite et heredum earum, et liceat illas et earum heredes de ea facere quod voluerint. Ipsam tertiam sortem compreensit ipse lando qualiter superius facta est pro parte sua et pro parte iamdicte mirande et gemme et grime sorori sue et pro parte ipsius infantis, petrus scilicet et marius et lando cum omnibus que intra ipsam tertiam sortem sunt, omnibusque suis pertinentiis et cum vice de ipso andito. Ea ratione ut integra medietas de suprascripta tertia sorte semper sit in potestate ipsarum fratrum et sororum, landoni vidilicet et mirande et gemma et grima et de earum heredes, et liceat illum, et illas, et illius et illarum heredes ex ea facere quod voluerint. Altera vero medietas de suprascripta tertia sorte semper sit in potestate ipsorum infantis, petrus scilicet et marius et lando et de illorum heredes; et liceat illos et eorum heredes exinde facere quod voluerint. Ipsam primam sortem que remansit eam, qualiter superius facta est, compreensit ipse grifus pro parte sua et pro parte suprascripti leonis cum omnibus que intra eas sunt cunctisque suis pertinentiis, et cum vice de ipso andito; Ea ratione ut integre tres partes de suprascripta prima sorte semper sit in potestate ipsius grifi et de eius heredes, et liceat ei et eius heredes de eo facere quod voluerint. Reliqua vero quarta pars que remanserit de ipsa prima sorte ……. in potestate ipsius leonis et eius heredes: et liceat illum et eius heredes inde facere quod voluerint. Et per combenientiam ipsis grifus et leo et lando, tamen ipse lando pro parte sua et pro parte suprascripte sororis sue et pro parte ipsius infantis petrus et marius et lando guadiam suprascripti maghenolfi pro parte suprascripti monasterii et pro parte iamdicte gemme et Alferade et gaite dederunt, et fideiussores ei pro suis et illorum parte posuerunt seipsos, et per ipsam guadiam obligaverunt seipsis grifus et leo et lando et illorum heredes semper permanendum illis et eorum heredes et iamdicte sororis ipsius landonis et iamdicti infantis petrus et marius et lando et earum eorumque heredes in suprascripta divisione et in omnia quemammodum suprascriptum est. Et si in suprascripta divisione, et in omnia, sicut superius scriptum est, illis et eorum eorumque heredes cum pars suprascripti monasterii et cum ipse gemme et Alferade et gaite et cum earum heredes permanere noluerint, per ipsam guadiam per combenientiam obligaverunt seipsis grifus, et leo, et lando et eorum heredes componere ipsorum gemme, et Alferade, et gaite, et in parte suprascripti monasterii centum auri solidos constantinos. quod superius inter virgulas scriptum est legitur: monasterii. Suprascripto disturvato legitur: centum auri. Et taliter pro parte ipsius maghenolfi tibi iohanni notario scribere precepi. + Ego qui supra petrus iudex. + Ego petrus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM