+ In nomine domini octabodecimo anno principatus domni nostri Gisulphi gloriosi principis, mense septembri, tertiadecima indictione. Ego iohannes monachus coram presentia domni leonis venerabilis abbatis monasterii sancte et individue trinitatis quod conditum est in loco metiliano, dum ydonei homines interessent, per iussionem ipsius domni abbatis et per convenientiam tradidi ursoni de ipso loco metiliano qui vocatur boso filio quondam (deest nomen) de rebus pertinentibus ipsius monasterio in suprascripto loco metiliano inclitas tres partes de duabus peciis de terris cum arboribus et pomis et insertis quas ego iohannes in eodem monasterio olim offerui; et sunt per fines et mensuras, iusto passu hominis mensuratas. prima pecia: A parte orientis finis via et passi quinquaginta: A parte septemtrionis passi quindecim: A parte occidentis finis ipsius monasterii et passi quadraginta sex: A parte meridiei finis media sepes, et iuxta eam intra ipsam terram recte mensurati passi viginti octo et cubitum. Secunda pecia est: A parte orientis finis via caba que ducit nuceriam, et passi viginti: A septemtrione passi sexaginta septem: Ab occidente passi viginti octo et cubitum: A meridie passi sexaginta duo. Et in medium per trabersum passi viginti sex. Similiter et tradidi ei integram portionem meam de terram cum castaneis et silba de eodem loco ubi nobara dicitur, quam similiter in ipso monasterio optuli: Ea ratione, ut semper integra suprascripta traditio sit in potestate ipsius ursi et heredum eius eam tenendum et dominandum, fobeas et omnes suas utilitates iusta ratione ibi faciant. et casam in unam ex ipsis peciis ligneam faciant, et ibi resideant et habitent; et unde meruerit suprascriptam traditionem clusam habeant semper bonam, Et cum omnibus intro eam habentibus salbam eam semper bonam habeant. Et omni anno apto tempore de super et de supter totam ipsam traditionem operent bonam ut melioret et non deterioret, et ubi meruerit infra ambabus suprascriptis peciis arbores et vites de bono vitineo plantent et propaginent; sic tamen, ut semper habeant in totis ipsis peciis ubi meruerit bonam arborem surtam et operatam. et ipsi inserti procurent ut decet, et totum ipsum silbosum de nobara a presentes scampent bonum, et castanei ubi meruerit ibidem pastenent, et insitent in totum illud de nobara amodo et surgant zenzaletum bonum; et omni anno apto tempore operent illud sicut decet. et omni anno tempore arearum et vindemiarum faciant scire me vel partem suprascripti monasterii, ut illuc missum dirigamus, et ipse urso et eius heredes de omnibus laboribus quos in eadem traditione habuerint seminatum iustum terraticum sicut ipsi loco consuetudo est, ibidem ipsi misso dent, reliquum aliud sibi habeant. et totam ipsam arborem omni anno rationabiliter ante ipsum missum vindemient et ibidem ad palmentum bindemia ipsa ut decet procurent, et inclita medietate de omne vino quod inde exierit ibidem ipsi misso dent, reliquam medietatem sibi habeant; et ipsa medietate ipsius monasterii de ipso vino reponant ibidem in organea que eis ibidem pars ipsius monasterii assignaberit, que per eis fiant semper studiata et conciata bona. et salbum illud et ipsam organeam faciant intus ipsam casam absque generatione et igne, donec illud pars ipsius monasterii inde tulerit; poma vero et alia fructa arborum de ipsis peciis rationabiliter colligant, et inclita medietate ex eis ipsi misso dent, reliquam medietatem sibi habeant. insertas ipsas et zenzalas ex castaneis quas in suprascripta traditione sunt et fuerint ut decet colligant totas et seccent bonas, et inclita medietate ex eis ipsi misso dent, aut michi iohanni: reliquam medietatem sibi habeant. et ipsum missum nutricent dum ibi steterit pro ipso vino et frudia recipienda secundum illorum possibilitatem; et palmentaticum omni anno per vindemie michi vel partibus ipsius monasterii dent, secundum consutudinem ipsius loci. et per convenientiam ipse urso per iussionem ipsius domni abbatis guadiam michi dedit et fideiussorem michi posuit seipsum per partes convenientes. et per ipsam guadiam ipse urso obligavit se et suos heredes semper adimplere omnia, qualiter suprascriptum est. Tantum quale tempore ipsam traditionem tenere noluerint aut non potuerint in suprascripta ratione, tunc integram eam, sicut suprascriptum est, operatam et surtam et salbam; et unde meruerit clusam bonam cum ipsam organeam et iamdictam casam remittant partibus suprascripti monasterii faciendum ex ea quod voluerint, et illos liceat inde exire cum omnibus causis eorum, et ire quo voluerint. siquidem, ut suprascriptum est, ipse urso et eius heredes non adimpleverint, et suprascripta vel ex eis quicquam remobere aut contradicere presumpserint, per ipsam guadiam obligavit se et suos heredes componere michi et partibus ipsius monasterii quinquaginta auri solidos constantinos. suprascripto disturbatum legitur: michi; et taliter scripsit iohannes notarius. + Ego iohannes notarius me subscripsi. + Ego romoaldus notarius me subscripsi.

Source Fulltext: Codex Diplomaticus Cavensis, vol. CDC.008, -, Estratto da ALIM