+ IN NOMINE SANCTE ET INDIVIDUE TRINITATIS. GISULPHUS divina favente clementia langobardorum gentis princeps, Nostras ad deum tendere preces confidimus, si dignas petitiones nostrorum fidelium non contempnimus et eosdem fideles nostro beneficio nobis fore credimus fideliores et in nostro servitio promptiores, et ceteros ea que bene fecerimus arbitratos fidelius nostris obedire preceptis. Idcirco per interventum domne gemme principisse karissime genitricis nostre, Concedimus et confirmamus ederrado, dilecto parenti nostro, filio quondam landemarii comitis, omnes terras et casas et res stabiles, quas possidistis et dominastis sub tempore domni guaimarii principis et ducis, genitoris nostri, tam intra hanc civitatem, quam et foris, et vobis gaite et marie, filie quondam friderisii comitis, qui fuit germanus tibi ederrado, dilectis parentibus nostris: Concedimus et confirmamus omnes terras et casas et res stabiles, quas similiter vos et ipse genitor vester possedistis et dominastis tempore ipsius genitoris nostri, tam intra hanc salernitanam civitatem, quam et foris. Iamdictas vero terras et casas et res, sicut superius legitur, vobis ederrado et gaite et marie in iamdicta ratione concedimus et confirmamus cum omnibus que intra eas sunt cunctisque earum pertinentiis et cum vice de plateis et viis et anditis earum et cum muniminibus omnibus ex eo continentibus. Ea ratione, ut integra suprascripta concessio et confirmatio, ut superius legitur, semper sit in potestate nostra, quemammodum vobis concessimus et confirmavimus, et heredum nostrorum. Et vos et vestri heredes licentiam habeatis ex eis facere quod volueritis; Et neque a nostris iudicibus, comitibus, castaldis, neque a quibuscumque actoribus nostre reipuplice quolivet tempore vos et vestri heredes habeatis ex hoc quod vobis, ut suprascriptum est concedimus et confirmamus, aliquam contrarietatem; Sed in perpetuum illud securiter habeatis, et ex eo in iamdicta ratione, quod volueritis, faciatis. Textum vero harum concessionum et confirmationum scribere precepimus te aceprandum levitam et scribam nostri sacri palatii. Anno nobis a deo concessi principatus nonodecimo. MENSE IULIO CONCURRENTE INDICTIONE TERTIADECIMA. Locus +Sigilli.

Source Fulltext: Codex Diplomaticus Cavensis, vol. CDC.008, -, Estratto da ALIM