+ In nomine domini vicesimo anno principatus domni nostri gisulfi gloriosi principis, mense decembri, quintadecima indictione. Ante me petrum iudicem anna filia quondam sergii qui vocavatur de dumeti, que fuerat uxor quondam sergii atrianensis, et marinus filius ipsorum anne et sergii coniuncti sunt cum petro qui vocatur spia filius quondam lupeni atrianensis. et ipsi mater et filius, anna scilicet et marinus, clarificaverunt sivi pertinere terra cum casa fabricata solarata intra hanc a deo conserbatam salernitanam civitatem prope ecclesiam sancte trofimenis, et est per has fines et mensuras iusto pede manus hominis mensuratas. a parte occidentis est finis via que ducit inter hanc et suprascriptam ecclesiam, et per eam iuxta ipsam casam mensurati pedes undecim et medium et uncie due. A parte meridiei finis media paries fabricati et mensurati recte intra ipsam terram cum casa iuxta ipso pariete pedes viginti et medium. a parte orientis finis alia via et mensurati intra ipsam casam iuxta ipsum parietem fabricatam predicte case pedes quattuordecim. A parte septemtrionis finis media paries fabricata et mensurati intra ipsam casam iuxta ipso pariete pedes decem et septem et medium et uncie due. et dixerunt ipsa terra cum casa ab ipsa parte occidentis super ipsa via in altum mineaneum abere in omni loco per latitudinem pedes tres ad suprascripto pede mensuratum, et per longitudinem est ipsum mineaneum, quantum est ipsa terra cum casa per latitudinem ab ipsa parte occidentis. et ipsi anna et marinus ostenderunt tres cartulas ex ipsa terra cum casa continente, ex quibus primam scriptam per petrum notarium, anno tricesimo septimo principatus domni gisulfi principis, mense ianuario, tertiadecima indictione: et in ea testati sunt iohannes et romoaldus. Secunda per antipertum notarium scripta de anno quadragesimo principatus domni gisulfi principis, mense augusto, quintadecima indictione. et in ea subscripti sunt adelmundus et sikenolfus. Tertiam scriptam per petrum notarium, anno quadragesimo tertio principatus domni gisulfi, et primo anno principatus domne gemme uxori eius et domni paldolfi optato filii eius, mense magio, tertia indictione. in qua testati sunt iohannes audelassi et petrus. de predicta vero terra cum casa per suprascriptas fines et mensura et de ipso mineaneo quartam partem pertinere dixerunt ipsi anne ei ab ipso viro suo data, et tres partes ipsi marino. Et sicut ipsis anne et marino congruum fuit bona sua boluntate per combenientiam per hanc cartulam secundum legem et romanorum consuetudinem venumdederunt ipsi petro pro parte marende uxori sue filia quondam gutti atrianensis integram suprascriptam terram cum casa per suprascriptas fines et mensuras cum integro ipso mineaneo per suprascriptam mensuriam cum omnibus intro ipsam venditionem abentibus omnibusque suis pertinentiis et cum vice de ipsis viis et cum stillicidiis ipsius case a foras ipsa mensuria unum in ipsa via a parte orientis et alterum in ipsa via ab ipsa parte occidentis ……. et cum suprascriptis cartulis, ea ratione ut integra suprascripta venditio, qualiter superius legitur, sit semper in potestate ipsius marende et heredum eius; et liceat illam et eius heredes de ea facere quod voluerint. Et propter confirmationem huius venditionis ipsi anna et marinus susceperunt ab ipso petro pro parte ipsius marende auri tarenos bonos de presenti moneta ducentos in omni deliberatione. Et per combenientiam ipsi marinus et anna guadiam ipsi petro pro parte ipsius marende uxori sue dederunt et fideiussorem eius pro illius parte posuerunt iohannem atrianensem, qui vocatur marcesanus, filius quondam mansonis atrianensis, et per ipsam guadiam obligaverunt se et suos heredes semper defendere ipsi marende et eius heredibus integram suprascriptam venditionem ab omnibus hominibus, ita tamen ut quando ipsa marenda et suos heredes ipsos annam et marinum et eorum heredes defensores de suprascripta venditione habere quesierint, tunc per omnes vices ipsa marenda et eius heredes dent ipsis anne et marino et eorum heredibus suprascriptas cartulas ratione iusta salvas abendas per omnes vices diebus sexaginta et tunc per omnes vices ipsi anna et marinus et eorum heredes integram suprascriptam venditionem, sicut superius scriptum est, ipsi marende et illius heredibus defendant. Et post completos ipsos dies per omnes vices ipsi anna et marinus et eorum heredes cartulas ipsas salvas iusta ratione ipsi marende et illius heredibus redant. Et ipsi Anna et Marinus tribuerunt ipsi petro licentiam ut quando ipsa marenda et eius heredes voluerint potestatem habeant suprascriptam venditionem per se defendere qualiter voluerint cum omnibus muniminibus et rationibus quas de eo ostenderint. Et si, sicut superius scriptum est, ipsi anna et marinus et eorum heredes ipsi marenda et illius heredibus non adimpleverint, et suprascripta vel ex eis quicquam remobere aut contradicere presumpserint per ipsam guadiam obligaverunt se ipsi marinus et anna et eorum heredes componere ipsi marende et illius heredibus centum auri solidos constantinos, et sicut superius scriptum est adimplere. Suprascripta fecit ipsa anna per semetipsa et quod maior est vigintiquinque annorum. Quod autem superius inter virgulos scriptum est ne noceat quia legitur: abere. et taliter tibi iohanni notario scribere precepi. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM