+ In nomine domini vicesimo anno principatus domni nostri gisulfi gloriosi principis, mense maio, quartadecima indictione. Ante me petrum iudicem iaquintus filius quondam madelmi et iohannacius cognatus eius filius quondam desidei atrianensis, qui dictus est turadialu, coniuncti sunt cum sergio filio dalfini, et ipsi iaquintus et iannacius ostenderunt tres cartulas: prima ex eis continebat, qualiter urso atrianensis filius leoni de auro, et mulier nomine grusa filia iohanni que erant ambo vir et uxor, clarefecerunt, ipse ursus habere rebus in loco sepi stabi salerni, que erat terra cum vinea et arbusto vitato et insites et pomis, uno teniente, et in ipsa rebus habebat casa lignitia et palmentum, et ipsi gruse in ipsa rebus pertinebat habere quartam peciam a parte ipsius ursonis viro suo, quam ille ei emiserat in die eorum copulationis, et erat ipsa rebus per fines et mensuras: A parte septemtrionis fine cilium de poiu, inde sunt passi sexagintaduo: A parte orientis que fuerat theodorici notario, unde via fuerat, et passi sexaginta unum: A parte meridie fine via, que ducebat ad sanctum adiutorem, et passi quadraginta sex: A parte occidentis passi octoginta quattuor, totum mensuratum ad iusto passu hominum. tunc autem, sicut ipsis vir et uxor congruum fuerat bone eorum boluntatis, per ipsam cartulam secundum legem et consuetudo est gentis illorum romanorum, per largietate et absolutione ipsius domni principis, quem eis dandum direxerat per ragemprandum iudicem, venumdederant adque ad semper habendum confirmaberant ipsi disideo atrianensi filio quondam sergii tarudulo tota et inclita ipsa rebus infra ipse fines et mensuras, et ipsa casa et palmentum, que superius legitur, ad securiter et firmiter semper ipse disiius et suos heredes inclita supradicta venditio abendum, possidendum, dominandi omnia exinde faciendi que volerent, absque ipsorum viri et uxor contrarietatem vel requisitione, sicut ipsa cartula continet, que scripta est per iaquintum notarium, de tricesimo octabo anno principatus domni guaimarii, et nono anno domni guaimarii eius filio gloriosis principibus; mense februario, decima indictione, in qua ipse ragemprandus iudex subscriptus est. Secunda de tertiodecimo anno principatus suprascripti domni guaimarii filii quondam domni guaimarii principis, mense maio, quartadecima indictione. Cum supradicta gloriosa potestas secundum gloriose sue dignitatis resideret in sacro salernitano palatio, et ante eius vestigiis astaret grimoaldus comes et iudex, venerunt quidam falco filius quondam rigandi de loco sepi, et lando et truppoaldus nepotes eius qui erant infantes infra etatem ac filii quondam godelchisi, qui fuerat germanus ipsius falconis; in simul et cum ipsi infantes venerat mulier nomine guidelaita matrem illorum, et proboluti fuerant ad pedes supradicte gloriose potestatis, ipsa mulier cum ipsi filii sui cum fletu clamantes, suamque necessitatem intimare udentes: ipse piissimus et gloriosus princeps preceperat ipsi iudici, ut illos erigere et patienter illos interrogare, pro qua venissent reclamandum; illis autem dixerunt, ut ipse vir et genitor illorum a iam preteritis defunctus fuerat et dimisisset ipsorum infantuli ad parlandum devitum, et non habebant unde devitum ipsum salbare, nisi accepta licentiam de rebus sua stavile ubicumque venderet; ipse iudex talia audiendo taliter illud intimaberat ad ipsa magnifica potestate; ille autem misericordia motus secundum mandatum legis de sua presentia direxerat super ipsa rebus que illis vendere cupiebant bona persona domini timentes, qui hoc ipsum hopus sapienter consideraret, ut ad ipsos infantes aliqua damnietas contra rationem aut per neglegentiam minime perbenisset. et dum illuc perrexisset ipse missus, una cum ipsis mater et filiis et cum ipse falcus et alii bonis hominibus, et diligenter mensuraberat ipsa rebus; et dum hic rebersus fuisset ipse missus supradicte gloriose potestatis cum ipsis mater et filiis et cum ipso falco retulerunt, ut illud quod vendere cupiebant ipsi infantes cum ipso falco thio illorum in supradicto loco sepi pro ipso devitum quod dixerant habere, quod erat viginti sex auri tarenos, non fuisset valiente, nisi viginti et quattuor tarenos, eo quod erat terra cum viniola deserta et arbustellum et pomiferis non cultatum etiam et terra mala, set totum per has fines et mensuras: de pede fine medio poiu et finis disigii atrianensis filius quondam sergii tarudulo, inde latitudo passi quindecim: ab oriente fine de heredes quondam ipsi notario, et per longitudo passi sexaginta: de capite finis similiter de heredes ipsius ursi notario, et per longitudo passi quattuordecim; da parte occidentis fine de consortes ipsorum thio et nepotes, et per longitudo passi alii sexaginta, mensurati ad passum qui signatum est in columna marmorea de ecclesia sancti mathei de archiepiscopio salernitano. et dum audierat illa excellentissima potestas, viscera pietatis motus, per ipsum iudicem ad solutionem dandum direxerat, ut ipsa rescella per iamdictas fines et mensuras que communiter dixerat habere, ex necessitate haberet illam vindendum cui boleret illud venderent; et ipsa mulier nomine guidelaita in sortionem ipsius viri sui de ipsa rebus quartam partem se professerat habere per suum scriptum morgincap ei emissum ab ipso viro suo alia die eorum copulationis, et congruum fuerat illum venumdare, et suum habens in presentia ipsius comitis et iudici duos parentes suos, et sicut ipsum iudicem rogaverat, ut ipsas res suas volebat vendere, et seipsam venditricem fecerat, et ipse comes, et iudex in ipsa cartula suis manibus posuerat, sicut et mundoalt eius inde ei consentiens fuerat, ut quod vendere stavile esset; et mirandus notarius per notitia ipsius comitis et iudici ipsam cartulam scripserat, ut absque damnatione legis securus inde maneret. hoc autem facta, tunc post absolutionem accepta ab ipsa gloriosa potestas que per ipsum iudicem esse dandum direxerat; ipsis falco, et guidelaita, et lando, et truppoaldus, sicut eis congruum fuerat bone eorum boluntatis, venumdederunt predicti disideo atrianensi filio iamdicti sergii taruduli tota ipsa rescella per iamdictas fines et mensuras cum omnibus infra se habentibus omnibusque suis pertinentiis, et cum vice de via sua, ad securiter et firmiter semper ipse nominatus desideus et suos heredes illud habendum, dominandum, possidendum, omnia exinde faciendum quod volerent, sicut ipsa carta continet, que scripta est per ipsum mirandum notarium, in qua ipse grimoalt comes et iudex subscriptus est. Tertiam scriptam per ipsum mirandum notarium, de quartodecimo anno principatus suprascripti domni guaimarii filii quondam domni guaimarii principis, mense martius, quintadecima indictione; in qua ipse grimoalt comes et iudex subscriptus est. Cum autem ipse cartule fuerunt ostense, sicut ipsis iaquinto et iannacio congruum fuit, bona eorum boluntate, per hanc cartulam per combenientiam dederunt ipsi sergio integras ipsas res per suprascriptas fines et mensuras, quas per suprascriptas secunda et prima cartula ipsi disideo genitor et socerum ipsorum iaquinti et iannacio benumdata sunt, quemadmodum ipsas cartulas continunt, cum omnibus intra eam habentibus, omnibusque suis pertinentiis, et cum vice de viis suis et cum suprascriptis tribus cartulis, quas, ut dictum est, ostenderunt; ea ratione, ut semper sit in potestate ipsius sergii et heredum eius; et liceat illum et eius heredes ex ea facere quod voluerint. et propter confirmationem uius venditionis ipsi iaquintus et iannacius susceperunt ab ipso sergio statutum pretium auri tarenos ex presenti moneta ducentos, in omni deliberatione; et per combenientiam ipsi iaquintus et iannacius guadiam ipsi sergio dederunt et fideiussorem ei posuit ipse iaquintus aldemarium filius quondam iohannis vestarini, et ipse iannacius posuit eidem sergio fideiussorem ipsum iaquintum cognatum suum, et per ipsam guadiam obligaverunt se ipsis iaquintus et iannacius et eorum heredes semper defendere ipsi sergio et illius heredibus integram suprascriptam venditionem ab omnibus hominibus; Sic tamen ut quando ipse sergius et eius heredes ipsos iaquintum et iannacium et eorum heredes defensores de suprascripta venditionem habere quesierint, tunc per omnes vices dent eis suprascriptas cartulas iusta rationem salbas abendas diebus sexaginta; et tunc per omnes vices ipsi iaquintus et iannacius et eorum heredes integram suprascriptam venditionem, sicut superius legitur, ipsi sergio et illius heredibus defendant; et post completos ipsos dies per omnes vices cartulas ipsas salbas, quales eis date fuerint, ipsi sergio et illius heredibus defendant. Et tribuerunt licentiam, ut quando ipse sergius et eius heredes voluerint, potestatem habeant suprascriptam venditionem per se defendere, qualiter voluerint, cum omnibus muniminibus et rationibus quas de ea ostenderint. et si, sicut superius scriptum est, ipsis iannacius et iaquintus, et eorum heredes ipsi sergio et illius heredibus non adimpleverint, et suprascriptam vel ex eis quicquam remobere aut contradicere presumpserint, per ipsam guadiam obligaverunt se et suos heredes ipsis iaquintus et iannacius componere ipsi sergio et illius heredibus centum auri solidos constantinos. et sicut superius scriptum est, adimplere; suprascripta fecit ipse sergius, presente ipso dalfino genitori suo, et per illius absolutionem. Suprascripto disturvato legitur quattuor, et quod superius inter virgulos scriptum est, ne noceat, quia ab omnibus hominibus legitur; et taliter te Iohannem notarium scribere precepi. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM