+ In nomine domini vicesimoprimo anno principatus domni nostri Gisulphi gloriosi principis, mense septembri, prima indictione. Memoratorium factum a me petro comite filio quondam pandenolfi clerici eo quod ante presentia petri Iudici per convenientiam pro parte antocie uxori mee tradidi teupo de loco pasciano filio quondam petri unam peciam de terra cum arbusto et castaneto et pomis et insiteto, quam ipsa uxor mea habet foris hac civitate in suprascripto loco pasciano, que est per fines et mensuras iusto passu hominis mensuratas. A parte meridiei finis passi quinquaginta tres et medium. A parte orientis finis via, et passi septuaginta quattuor. A parte septemtrionis finis ipsius antocie passi centum. A parte occidentis passi duodecim similiter erga fines ipsius antocie. et revolvit in parte orientis per eamdem finem passi quadraginta. et revolvit in parte meridiei secus ipsam finem passi nonaginta cum casa lignea que ibi est et cum vice de ipsis viis. Tali tinore, ut semper sit in potestate ipsius teupi et heredum eius eam tenendum et dominandum fobeas et omnes suas utilitates iusta ratione ibi faciant. et homines ad laborandum et residendum ibidem mittant et habeant. et ipsam casam semper conciatam et copertam habeant. et ipsam traditionem per circoitum clusam habeant. et apto tempore totam ipsam traditionem laborent et cultent, et ubi meruerit arbores et vites de bonis vitineis et pomam et insites iusta ratione ibidem plantare et insitare sicut meruerit bonum arbustum et insitetum de ipso loco. Et sic illud cultent de super et de supter, ut semper in melius proficiant et non dispereant. Et per omnem annum perfectum pareat laboratum et cultatum et clusum et salvum et seminatum. et cum vindemie tempus fuerit per omnem annum ipse teupus et eius heredes faciant scire ipsam uxorem meam et eius heredes, ut ibi dirigant missum suum, et illi rationabiliter ipsum arbustum totum vindemient, et vinum ipsum ibidem ad palmentum procurent, et ipse castanee et inserte apto tempore colligant et seccent sicut meruerit, et de omne vino et castanee et inserte, quod inde exierint ipse missus tollat medietatem et illi medietatem; pomam et quicquid fructus ibi abuerit pro tempore ante ipsum missum illi colligant et inclita medietate inde nobis dirigere intra hanc civitatem ad domum nostram, reliquam medietatem sibi habeant: et de quod per annum in ipsam traditionem seminatum fuerit, dent inde nobis terraticum secundum consuetudinem ipsius loci; Sortionem nostram de ipso vino per omnem annum mittant illi in organea quam eis dederimus, Et illi ipsam organeam semper conciare et studiare et reponere in ipsam casam: et ipso vinum salvum faciant, donec illud inde tollere fecerit ipse uxor mea et eius heredes absque degeneratione et igne. Ipsum missum, dum per vindemie et pro ipso terratico et iamdicta frudia recipiendum ibi steterint, nutriant illi eum secundum illorum possibilitatem. et per omnem annum dent ipsi uxori mee et eius heredibus ad domum illorum due galline bone, et ego et mei heredes et ipsa uxor mea et eius heredes licentiam habeamus, quod voluerimus in ipsam rem introire et nostras utilitates ibi facere iusta ratione. et si voluerimus illos perquirere et pignerare faciendum eos ipsam rem laborare, sicut suprascriptum est: et omnia inde nobis adimplere sicut supra legitur. et quando nos et nostros heredes ibi perrexerimus semel in anno honorifice illi nos recipiant sicut meruerit, et omni anno in natibitate domini et in pasca resurrectionis illi et illorum heredes visitent nos et nostros heredes intus hanc civitatem ad domum nostram cum senio secundum suam possibilitatem iusta ratione. Et quale tempore ipsam traditionem tenere et laborare noluerint, tunc inclitam eam bonam laboratam, clusam cum ipsa casa conciata et coperta et cum ipsa organea totum salvum iusta ratione remittant ad potestatem nostram et heredum nostrorum faciendum inde quod voluerimus, et liceat illum et eius heredes et homines quos ibi miserint inde exire cum omnibus illorum mobilibus et ire ubi voluerint. et per convenientiam ipse teupus guadiam michi pro parte mea et ipsius uxori mee dedit et fideiussorem michi pro mea et illius parte posuit se ipsum, obligans ipsis petro et antocie et illorum heredibus et cui hoc scriptum in manu paruerit, ad pignerandum omnes res suas et heredum eius legitimas et inlegitimas. et per ipsam guadiam obligavit se et suos heredes, si sicut superius scriptum est, non adimpleverint, et suprascripta vel ex eis quicquam removere aut contradicere presumpserint, comprehendere ipsis petro et antocie et illorum heredibus triginta auri solidos constantinos et, sicut suprascriptum est, adimplere. Et taliter scripsit iohannes notarius. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM