+ In nomine domini vicesimo tertio anno principatus domni nostri gisulfi gloriosi principis, mense iunius, secunda indictione. Ante me Petrum iudicem bibo castaldus filius quondam petri et mulier nomine romane filia quondam cleni que est uxor suprascripti bibi, coniuncti sunt cum truppoaldo nepote eorum filius quondam ursi, et ipsi vir et uxor clarificaberunt se abere duas pecias de terris cum insites et aliis arboribus foris anc salernitanam civitatem in loco transvoneia. prima ex eis est in eodem loco ubi fagitu dicitur per fines et mensuras: a parte meridiei finis via, qualiter incipit da aqua de sabuculu et vadit in parte occidentis per ipsa via, passi quadraginta duo: a parte occidentis est finis ipsa via que discernit inter istut et fine aliorum et fine suprascripti bibi, quam ipse vibo datum abet monasterio sancti petri pertinente mea et aliorum, et aliquantum finis ipsorum vir et uxor quam sibi reserbaberunt per ipsa via, mensurati passi nonaginta; a parte septentrionis est finis suprascripti bibi quam datum abet monasterio sancte trinitatis, recte mensurati passi octoginta sex: a parte orientis est finis medio ipso ribus sabuculu. Alteram est in eodem loco terram cum insitetum per fines: a parte orientis est finis medius ribus qui gabatale dicitur: a parte meridiei est finis medio vallone: a parte occidentis est finis cilium ripis qui sunt subtus et prope via et dimictit ipso cilium et coniungit cum ipsa via et vadit per ipsa via usque aqua de boneia; de suprascriptas terras per suprascriptas fines et mensuras dixerunt pertinere ipsi romane quartam partem et tres partes ipsi bibo. Et sicut ipsi vir et uxor congruum fuit vona illorum voluntate, per convenientiam per anc cartulam donaberunt ipsi truppoaldo integras ambas suprascriptas pecias de terris per suprascriptas fines et mensuras iusto passu ominis mensurati, cum omnia intra se abentibus omnibusque suis pertinentiis et cum vice de ipsis viis; ea ratione, ut semper suprascripta donatio sit in potestate suprascripti truppoaldi et eredum eius; et licead illum et eius eredes de ea facere quod voluerint. Et propter confirmationis uius donationis ipsi vir et uxor launegilt susceperunt a suprascripto truppoaldo grasenam unam in omni deliveratione, et per convenientiam ipsi vir et uxor guadiam ipsi truppualdo dederunt, et fideiussorem ei posuerunt lupenus caballaru filius ursi erario; et per ipsam guadiam obligaberunt se et illorum eredes semper defendere ipsi truppoaldo et eius eredibus integram suprascripta donationae, ab omnibus ominibus et partibus. Et si ipsi vir et uxor et illorum eredes suprascripta donatione, vel ex ea ipsi truppoaldo et eius eredibus minime defendere potuerint, tunc ipse vir et uxor et illorum eredes adimpleant et persolbant inde ipsi truppoaldo et eius eredibus iustitiam, sicut in lex langobardorum de donum et subsceptum launegilt continet; et tribuerunt ei licentiam, ut quando ipse truppoaldus et eius eredes voluerint, suprascripta donatione vel ex ea per se defendere voluerint, potestatem abeant qualiter voluerint cum omnibus muniminibus et rationibus, quas de ea ostenderint. Et si, sicut superius scriptum est, ipse vir et uxor et illorum eredibus ipsi truppoaldo et eius eredibus non adimpleberint, et suprascripta vel ex eis quicquam remobere aut contradicere presumpserint, per ipsam guadiam ipsi vir et uxor obligaberunt se et illorum eredes componere ipsi truppoaldo et eius eredibus quinquaginta auri solidos constantinos, et suprascriptam adimplere. Suprascripta fecit ipsa romana per boluntate predicti bibi viri sui, et una cum illum. suprascripto disturbatum egit lunegilt; et taliter scribere precepi te romoaldum notarium. + Ego qui supra petrus iudex.

Source Fulltext: Codex Diplomaticus Cavensis, vol. CDC.008, -, Estratto da ALIM