+ In nomine domini vicesimo tertio anno principatus domni nostri Gisulphi gloriosi principis, mense nobembri, tertia indictione. Dum in sacro salernitano archiepiscopio ante aulam sancte semperque virginis dei genetricis marie essem ego iohannes iudex cum pluribus aliis hominibus, inter quos erant iohannes atrianensis filius quondam mauri et mascinus clericus filius quondam romoaldi: Ipse iohannes ostendit unum scriptum quod continebat: in nomine domini vicesimo secundo anno principatus domni nostri gisulfi gloriosi principis, mense februario, secunda indictione. Ante me iohannem iudicem mascinus clericus filius quondam romoaldi coniunctus est cum iohanne atrianensi filio quondam mauri ad faciendum inter se finem de causationibus quibus ipse mascinus cum eodem iohanne olim ante romoaldum iudicem causaberat, ut ipse iohannes malo hordine introisset in res ipsi mascino pertinentes de locis albole et transboneia, et per fines et vocabula et pertinente ipsorum locorum, et fobeas in eis fecisset, et arbores et vites ex eis abscidisset, et sepes ex eis rupisset, et fructus de eis tulisset, et ipsas res ei contrasset. Insuper et malo hordine ipse iohannes tulisset res mobiles ipsi mascino pertinentes de ecclesia sancti andree in ipso loco albole constructam quam ipse mascinus sibi pertinentem esse dicebat. Ipse iohannes responderat in suprascriptis locis albole et transboneia et per fines et vocabula ei pertinentes ipsorum locorum plures res et ecclesias haberi; sed nescire de qualibus ipse mascinus cum eo causaret. Ipse autem iudex, sicut inter eos convenerat, iudicaberat et illos guadiare fecerat ut simul cum iudice et notario ipsi mascinus et iohannes illuc pergerent, et ipse mascinus monstraret ipsi iohanni ipsas res et ecclesiam de quibus cum eo, ut suprascriptum est, causaberat: et per partes plicarent se cum suis rationibus, et secundum legem inter se ipsi mascinus et iohannes finem facerent ex eo quod ipse mascinus cum eodem iohanne, ut suprascriptum est, causaberat et de iamdicta ecclesia. Et mecum et cum notario ipsi mascinus et iohannes illuc perrexerunt, et ipse mascinus monstravit ipsi iohanni ipsas res de iamdicto loco albole et iamdictam ecclesiam ibi constructam de quibus cum eo, ut suprascriptum est, causaberat, Et per partes plicaberunt se cum suis rationibus. Ipse vero mascinus ostendit cartulas octo et dua precepta congruo anulo consignata. et ipse iohannes ostendit cartulas nobem et unum preceptum sigillatum. Nec non et ostenderunt singula iudicata de suprascriptis causationibus in quibus ipse romoaldus iudex subscriptus est; ex quibus unum pro parte suprascripti mascini scriptum per romoaldum notarium, et alium pro parte ipsius iohannis scriptum per iohannem notarium, et pro parte confessi sunt plures cartulas inter se ex hoc non ostense, et legere easdem rationes feci. Ipsum brebem sigillatum ipsius iohannis continebat, qualiter guttus atrianensis filius petri qui rocci vocabatur, rogaberat potestas domni guaimarii principis et patricii, ut ei concederet rem sui sacri palatii ex illa parte fluvio albole per hec finis: desuper finis serra de monte falerzu; de alia parte finis ribus unde aqua decurrebat. desuptus finis mare, de alia parte finis ipso fluvio albole; per ipsas fines et a foras ipsas fines de quanto sui palatii pertinebat totum illud ei concederet securiter ille et eius heredes illud habendum, possidendum et faciendum inde quod vellent absque cuiuscumque contrarietate vel requisitione. Prima ex ipsis cartulis ipsius iohannis, scripta per riccardum notarium, vicesimo tertio anno principatus domni gisolfi, mense martio, tertia decima indictione, quomodo ipsi gutto filio roderici guadiam dederat mastalus amalfitanus qui dicebatur roibulu et mediatorem ei posuerat se ipsum. et per eamdem guadiam ipse mastalus obligaverat se et suos heredes tenere ad suam potestatem inclitum montem suum qui ei erat pertinente qui vocatur falerzu et annualiter usque sex annos completos liceret de ipso monte lignamina iusta rationem abscidere et castanie per tempora colligere et omne anno dare ipsi gutto et eius heredibus de ipso monte et de ipso castanieto unum tarenum bonum. et habebat finem ipsa res: de una parte finis media serra de ipso monte. Alia parte finis medio ribus qui dicebatur aqua puteda: desuptus finis litore maris. Alia parte finis ipso fluvio albole et saliente et coniungente in ipsa serra. et obligaverat se ipse mastalus et suos heredes inclitum ipsum castanietum et quercietum usque ipso constitutum salvum facere; ad completum ipsum constitutum ipsam rem per ipsas fines rebertere ad potestatem ipsius gutti et heredum eius sicut ipsa cartula, in quam iohannes notarius et maio subscripti sunt. Secunda ex eis scripta per teodericum notarium, anno tricesimo quinto principatus suprascripti domni gisolfi, mense iulio, decima indictione. Quomodo ante petrum iudicem iohannes filius ipsius gutti causaberat cum sergio amalfitano filio quondam stephani qui vocabatur calendulo, ut ipse sergius malo hordine introisset in rebus eius de ipso loco albole a flumine aque putide usque ipso fluvio albole. Unde ipse iudex iudicaberat sicut ipsa cartula continet, in quam ille subscriptus est. Tertia ex illis scripta per iaquintum notarium tricesimo septimo anno principatus domni paldolfi et secundo anno principatus eius salerni et sexto anno principatus domni paldolfi filii eius, mense decembri, octaba indictione. Ipse iohannes atrianensis filius gutti coniunctus fuerat cum iohanne qui fuerat sarnensis. et tunc erat commanente in loco metiliano in casa iohannis et maraldi germani filii iohannis monachi, pro quam in rebus sua ab aqua que dicitur albole in illa parte cum collecta manu armata introierat. et pro qua in rebus ipsa malo hordine introierat, donaberat ipsi iohanni comiti portio quam ille ei facere debebat, pro eo quod manifestaberat ut in ipsis rebus nulla pertinente ipse iohannes sarnensis habebat. et ab ipsa aqua in illa parte aliquando tempore cum eo causaret aut contradicere non posse per nullis modis, sicut ipsa cartula continet, in quam romoaldus, iaquintus et guiso subscripti sunt. Quarta scripta per iaquintum notarium anno tricesimo septimo principatus ipsius domni paldolfi et secundo anno principatus eius salerni et sexto anno principatus domni paldolfi eius filius, mense octuber, octaba indictione. Ipse iohannes et leo atrianensis germani filii ipsius gutti tradiderant rigando de iufuni filio turbi terras et silvas eorum quas habebant in ipso loco albole actum salerni per fines de una parte ipso fluvio albole et desuper parte finis sicut media serra discernebat et de alia parte finis vallone unde aqua puteda decurrebat et desupter parte finis mare ut ex ipsis terris eis adimplere et dare sicut ipsa carta continet, in qua mirandus notarius et grimoaldus subscripti sunt. Quinta ex eis ipsius iohannis continet. In nomine domini, primo anno principatus domni nostri mansoni et domni iohannis eius filii gloriosi principibus, mense septembri, undecima indictione. In sacratissimo salernitano palatio ante me ademari iudex et una mecum adesset ydoneis hominibus coniuncti sunt iohannes et leo atrianenses germani filii gutti cum riso et roderico et musando germani filii quondam maraldi et cum madelmo filio iaquinti et cum sergi qui piczicuto vocatur et gencu filio petri cognato ipsius madelmi. Ipse sergi vice mulieri nomine imperatissa uxor sua et ipse gencu pro vice mulieri nomine tota donna uxor sua pro parte rebus illa de locum albole finibus salerni qui sunt terris cum castaneis et silba uno teniente illa parte ipso fluvio de albole. Unde ipsi filii maraldi et ipse madelmus cum ipsi cognato sui dicebant illorum esse pertinente per sue ratione, et ipsi germani filii gutti dixerunt non esse veritas, sed illorum esse pertinente per successionem et sua ratione et usque nunc rebus ipsa illis tenuisset et dominasset. Et altercantes inter se exinde antequam per lex illud inter se finiret, convenit inter eis ut ipsi iohannes et leo secundum legem ad sancta evangelia iuraret ut rebus ipsa da ipso fluvio in illa parte usque in serra da unde ipsa serra discernit et saliente usque in monte qui dicitur falerzu et rebolvente per aqua et vallone qui dicitur puteda et qualiter descendit usque in mare desuptus fine ipso mare. per hec fines sicut diximus ipsi iohannes et leo iurare ut per successione et sua ratione illorum esse pertinente et que illis et que ipse genitor eorum et que parentes illorum per expletos triginta annos illud tenuisset et dominasset. et legibus eorum esse pertinente, et sicut inter eis convenit, guadiaverunt inter se exhinde et mediatorem ipsi germani posuerunt iaquintus aurifex filius mascani. et ipsi nominati filii maraldi et madelmo cum ipsi cognato sui mediatorem posuerunt dei evangelia parandum ipsum iaquintus. Modo autem ut diximus propterea iterum ante nos sunt coniuncti et per ipsi filii maraldi et madelmo et ipsi sergii et gencus vice ipsius uxoris sue paraberunt sancta evangelia. et ipsi filii gutti cum quinque suos sacramentales secundum legem iuraberunt ut rebus ipsa per supradictas fines que illis que genitor eorum et que parentes eorum per expletos triginta annos illud tenuisset et dominasset et legibus eorum esse pertinente. Nos superius dictus iudex dum taliter ipsi iohannes et leo sacramentum ipsum dantem audivimus, ideo iuxta legem iudicabimus ut amodo et semper ipsi germani filii gutti et illorum heredes rebus ipsa securiter illum sibi haberet et omnia inde facere quod voluerint absque omni contrarietate vel requisitione ipsorum risi, roderici, musando et madelmo, sergii et gencu et de ipse uxore sue vel de illorum heredibus. Tantum ipsi sergii et gencu et illorum heredes defensaret ipsi filio gutti et eorum heredes a pars de ipse uxore sue et da omnes homines qui pro illorum parte et dato quodcumque causatione inde eorum preposuerint, et si taliter illis exhinde non defensaberint, componere obligaverunt se et suos heredes ad ipsi filio gutti et ad illorum heredes decem auri solidos constantinos et sicut dictum est semper illis inde defensarent. et taliter pro perpetua securitate ipsorum iohanni et leoni et de illorum heredes hunc nostrum definitione emisimus iudicatum, quod tibi rodoaldi notario scribere dictabimus de suprascripto mense septembri, undecima indictione. ego qui supra ademarii iudex. Sexta ex ipsis cartulis scripta per romoaldum notarium secundo anno principatus domni iohannis et domni guidoni eius filii, mense iunio, tertiadecima indictione. ante petrum iudicem coniuncti fuerant riso et rodericus et disiio germanus filius quondam maraldi et madelmo consubrino frater eorum filii quondam iaquinti et sergius qui piczulo clamabatur filius ursi cum iohanne et leone atrianenses germani filii ipsius gutti ad faciendum inter se finem de rebus de loco veteri que erant isclis et transboneia et per finibus de transboneia finibus salerni. unde inter se plures habuerant causationes querentes ipsi germano ipsam rem suam facere per successionem. et ipsi alii omnes suprascripti querebant ipsam rem suam facere per successionem et per suas rationes. Sed antequam per sacramenta illud inter se diffinirent, horta erat inter illis bona convenientia. et statim ipsi filii supradicti maraldi et ipsi madelmo et sergii qui erant cognati manifestaverant ipsis iohanni et predicto leoni de una clusuria de terra que erat iscla iuxta ipso fluvio per fines et mensurias. de una parte sicut decurrebat fluvio de veteri, erant inde passi octoginta quinque, desuper parte finis de toti finis ipsius maraldi et ipsorum madelmi et sergii sicut ibidem termini fixerant et inde erant per latitudinem passi viginti. Alia igitur parte similiter finis illorum, erant inde passi sexaginta tres. Alia vero parte finis ipsorum iohannis et leonis et inde erant passi sexaginta quinque totum mensuratum ad iuxtum passum hominis. Seu et manifestaberant ipsis iohanni et leoni de inclitis isclis in quibus illi molinum edificatum habebant in predicto fluvio de veteri ut eis esset pertinente ipsa molina cum ipsa aqua et cum arcaturiis et trasite et exite sue et cum inclita ipse iscle ista et illa parte ipso fluvio de ipso molino usque via antiqua que dicitur de traberse et sicut ibat de rebolta de ipso fluvio que ibidem erat que erat a supra cisterna unde aqua decurrebat que ibidem erat a subter ipsa rebolta et sicut ab ipsa rebolta ibat usque ad supradictam peciam per supradictas mensurias et de ipso toto sicut supradixerant ipsi filii maraldi et predicti madelmo et sergius manifestaverant ipsis iohanni et leoni ut eis esset pertinente et illi nullam ibidem habere. et neque per testes neque per monimina neque per nulla quoque inventa ratione cum illis vel cum illorum heredibus illi vel sui eredes exinde causaverant contendere non posse eo quod legibus ipsi iohanni et leoni erat pertinente per successionem et per suas rationes. et semper illi et illorum heredes inclitum illud defensarent ipsis germanis et eorum heredibus a parte uxorum suorum et non illud vel exinde eis vel eorum heredibus quererent tollere aut contrare, sicut ipsa carta continet, in qua ipse petrus iudex et teodoricus subscripti sunt. Septima ex eis scripta per radoaldum notarium septimo anno principatus domni iohannis et primo anno principatus domni guaimarii, eius filii, mense ianuario, tertia indictione. Ante ipsum petrum iudicem coniuncti fuerant ipsi iohannes et leo atrianenses germani filii suprascripti gutti cum lupeno filio mauronis comitis et alio lupeno filio petri qui dicebatur de lupeno de rini qui erant habitantes de amalfis ad faciendum inter se finem de rebus que erant terra cum castaneto de loco albole salerni finibus quas ipse lupenus filius petri dixerat ut de parentes suos et illorum pertinentes esse. et ipse lupenus filius mauronis comitis dixerat ut de eadem rebus ei pertinente esse per sua ratione a parte ursi thio de ipso alio lupeno. Supradicti germani dixerant ut rebus ipsa de parentes suos et eis pertinentes esse et illi illud tenuissent et dominassent. et ipse ursus auctor de ipso lupeno et ipse alius lupenus nec parentes suos nullam ibidem habuissent aut habere. et sicut inter se convenerat per convenientiam inter se guadiati fuerant ut ipsi germani iurarent ipsis lupeni ut quem parentes illorum et illis ex dictam rem per quadraginta annos tenuissent et dominassent et nec ipsi lupenus filius petri nec parentes suos nec ipse alius lupenus nec ipse ursus auctor eis infra ipsos quadraginta annos nullam ibidem tenuissent et dominassent. Tunc autem sicut dictum est, coniuncti fuerant inde finem faciendam. et per ipsos lupenos parata erant sancta dei evangelia. et ipsi germani per singulos per ipsa sancta dei evangelia. iuraberant ut iamdictam rem a semita que ibat per torum usque in serra de monte qui dicitur falerzu in ista parte usque in fluvio qui dicitur de albole et usque in mare ut quem illi quem parentes illorum per ipsos expletos quadraginta annos illud tenuissent et dominassent, sicut ipsa carta continet, in quam ipse petrus iudex subscriptus est. Octaba ex ipsis cartulis scripta per iaquintum notarium nono anno principatus domni iohannis et quarto anno principatus domni guaimarii eius filii, mense maio, quinta indictione. In sacro salernitano palatio ante iamdictam potestatem astaret iohannes iudex, coniunti fuerant lupenus amalfitanus filius mauronis comitis cum riso filio maraldi ad faciendum inter se finem de rebus illa ex illa parte aqua que dicitur albole unde ipse lupenus cum ipso riso causaberat ut ipse risus et homines eius malo hordine introisset in rebus ipsius lupeni ab aqua que dicitur albole in illa parte et usque aqua que dicitur puteda et a serra que dicitur falerzu usque mare et fobeas ibidem fecissent et arbores inde abscidissent. et vites et castanieta inde cappilassent et contrasset illud hominibus quos ipse lupenus ibidem ad laborantes missos habuerat. et ipse lupenus in manu inde miserat ipsi riso iamdictus iohannem et leonem fllium ipsius gutti sicut ipsa carta continet in qua ipse iohannes iudex subscriptus est. Nona ex illis continebat: In nomine domini dei salvatoris nostri ihesu christi, temporibus domni mansonis ducis et imperialis patricii, anno tricesimo octabo et vigesimo anno domni iohannis gloriosi ducis filii eius, die prima mensis februarii, indictione nona, amalfis. Ipse lupenus filius mauronis comitis de pantaleone comite clarefecerat per firmam cartam venundatam habuisset ei ipse leo atrianensis filius ipsius gutti terram cum castanieto et silba uno teniente in ipso loco albole finibus salerni per fines: A parte orientis fine aqua de fluvio qui dicitur albole et ascendente usque in serra de ipso monte falerzo. de una parte finis ipsa serra. et abinde descendente in vallone unde exiebat aqua que dicitur puteda et per ipsam aquam descendentem usque in mare desubtus finis ipso mare et qualiter ibat usque in ipso flubio albole infra ipsas fines inclita medietate eius ipse leo venundatam habuerat. Et tunc sicut ei complacuerat ipse lupenus remiserat ad potestatem ipsius leonis totam et inclitam ipsam rem cum quale edificio in eo habebat factum et cartulam quam exinde habuerat, cassaberat et cassatam illam aput eum remiserat, sicut in eadem carta continet, in quam leo filius mauri de gregorio comite et leo filius pantaleonis de tauro comite et iohannes filius leonis de marino comite testati erant. Unus ex ipsis preceptis quas ipse mascinus ostendit, continebat qualiter vir gloriosissimus ziconolfus langobardorum gentis princeps concesserat rattemundo fideli suo filio rattelchisi montem ipsum de falerzo et montem de trabuneia cum silbis et castanietis et quercietis per fines de una parte finis mare. Alia parte finis aqua palombara et saliente per finem de capite de ipsa aqua in capite de ipso monte falerzo. de alia parte sicut descendebat per fines de medio ipso toro de falerzu et ibat per media serra de ipso monte super aqua ianni et ibat per fine sua per mediam serram super aqua de fluvio albole et ibat in fossatu. et inde pergebat per mediam vallem et coniungebat in toru de monte de mantrelle et ascendebat per mediam serram de planellu et salientem per serra de calcara et pergentem per vallem que dicebatur vitaminie et descendentem et coniungente in ...... de lembole et descendente in ripe erga mare et descendebat in mare. et inde pergente et coniungente in ipsa aqua palombare et saliente in serra de capite ipsius montis falerzi. In ea ratione ut semper ipse rattemundus et heredes suos predicta omnia que supra legitur integrum habere et possidere valere et facere quod vellent sicut ipsum preceptum continet scriptum per ragemprandum notarium actum salerni, septimo anno, mense iunio, octaba indictione. Item prime ex ipsis cartulis quas ipse mascinus ostendit continebat: quarto anno principatus domni ademarii, mense martio, quinta indictione. palumbus filius rattemundi vindederat gentili filio gentili rem suam de trabuneia et de valle de monte qui dicitur falerzu que erat pecie tres de castanieta et quercieta et silbis quam ei pertinebat a palatio et per aliam rationem rive habebat finis. prima pecia de uno latu finis media aqua que dicebatur palombara. de capite finis toppu de monte falerzo …….. media serra de ipso monte. Alio latu finis aqua ianni. Secunda pecia habebat finis de capite fine serra de ipso monte. de alio latu finis aqua de ipso fluvio qui dicitur albole. de alio latu finis quomodo coniungebat ipse aque. Tertia pecia de capite finis serra de ipso monte et ibat et coniungebat in fossatu et inde exiente per mediam vallem et coniungebat in toppu de monte qui dicitur mantrelle et descendente per media serra de planellu et saliente et coniungente in toru de calcara et inde descendente per valle que dicebatur vitaminie et pergente et coniungente in aqua de lembole et descendente in ripe de ipso monte erga mare desupter parte finis mare et coniungebat in ipso fluvio de aqua de albole. Intra istas fines nec sibi quas vinditori neque ad alium hominem nichil reserbaberat portionem. Sed totum in integrum cum propriis finis et viis et aquariis suis et omnia intro habentes ipsi gentili vindederat possidenti cum omnia monimina et quattuor preceptis de ipsis locis pertinente sicut ipsa carta continet scripta per radualdum notarium et a testibus sufficienter roborata. que etiam continebat ut de alia rebus ipsius palumbi quas habebat in traboneia non haberet potestatem nec ille aut heredes eius dare preter ipsi gentili et eius heredibus eis inde dandum quantum valuissent. Secunda ex ipsis cartulis inter cetera que continebat quod propter deletionem legere non valetur, continebat quomodo ………. coniuncti fuerant cum plurimis hominibus ex quibus fuerat sergius et leo et iannuaulu filius petri et guttus filius rocci ad diffiniendum inter se causationes de terris et silbis et montanea de loco traboneia et de monte falerzu. et una cum petro iudice super ipsas res perrexerant et per fines que monimina illorum continebat ipsis omnibus suprascriptis monstraberant et inde rebersi fuerant. Tunc quidem erant coniuncti finem inde faciendum. unde in eadem presentia ille ostenderat inter cartule et brebi et unum preceptum et brebi sigilati numerum decem et septem. et ipsi omnes suprascripti vice sua et de omnibus consortibus suis ostenderant duo brevicelli sigilati et cum legere fecerant ipsos eorum brevicellos nullatenus inde erant continentes. Cum autem tota suprascripta monimina eorum legere fecerant in eadem presentia erant continentes per fines et extra fines. et ipse quidem iudex agnoberat ipsam suam monimina et invenerat per fines et extra fines et invenerat illum ibi residentem et laborantem et de ipsa rebus datam ad laborandum et iudicaberat ut per sacramenta secundum legem illud eis confirmare. et ipsi omnes suprascripti vice sua et de omnibus consortibus suis sancta dei evangelia paraberant. et ipse cum uno filio suo et temelgardo parente suo iuraberat et dixerat per sancta dei evangelia quia que ille que genitor eius quem gradum parentum parationis eorum per ipsas fines et extra fines qualiter tunc illud dominaberat et possiderat per triginta annos eos per suprascripta munimina illud possidentes esse, sicut ipsa carta continet, scripta per ursum notarium, in quam ipse petrus, et odelrico et pipino subscripti sunt. Tertia ex eis continebat: trigesimo octabo anno principatus domni gisulfi, mense aprelis, duodecima indictione. risus filius quondam maraldi ante testes vice sua et vice de germani et consortibus suis coniuncti fuerat cum ipsis iohanne et leone germanis atrianensis filii suprascripti gutti propter intentionem quas antea inter se habuerant de rebus eorum de traboneia et de monte qui dicitur falerzu et de aliis locis. unde per sacramenta illud per fines diffinitum habebant. et unde dicebat illi audaciter ut habere inde scriptione qualiter in rebus ipsa sortione habere debere et iamdicti antea inde fuerant guadiati ut ei ipsum scriptum monstrare. Tunc autem per partes inde fuerant coniuncti fines inde faciendas. et in eadem presentia ipse risus pro vice sua et de germanis et de consortibus suis ostenderat scriptum diffinitionis et multas alias cartulas et precepta et brevi sigillati per fines et extra fines de ipso loco traboneia et ipso monte falerzo illa et ista parte. et ubi taliter ipsi germani ipsum scriptum diffinitionis et totam ipsam muniminam legentem audierant et agnoberant ut exinde sacramenta ipse genitor eorum et consortes eius et parentes suos receptum habuerant et exinde eis componere debebant, manifestaberant ut nullam rationem inde habere et de ipso brebe quod dixerant inde habere negaberant ut non esse veritas sicut ipsa carta continet, scripta per iohannem notarium in quam adelferii et cisenolfus et iaquintus subscripti sunt. Quarta ex ipsis cartulis continebat: secundo anno principatus domni iohannis et domni guidoni eius filii, mense iunio, tertiadecima indictione. Ante petrum iudicem coniuncti fuerunt riso et rodericus et disiio filii quondam maraldi et madelmi consobrini fratres eorum filii quondam iaquinti et sergius qui piczicuto clamabatur filius ursi cum ipsis iohanne et leone atrianense germanis filiis suprascripti gutti ad faciendum inter se finem de rebus de loco veteri que erant isclis et traboneia et per finibus de traboneia. unde inter se plurimas causationes habuerant querentes ipsi germani ipsam rem suam facere per successionem. et ipsi alii omnes suprascripti querebant ipsam rem suam facere per successionem et per suas rationes. Sed antequam per sacramenta illud inter se diffinirent horta erat inter eos bonam convenientiam. et statim ipsi filii maraldi et ipse madelmus et sergius qui erant cognati manifestaberant ipsis iohanni et leoni. de una clusuria de terra que erat iscla et de alia sicut ipsa carta continet. Et ipsi iohannes et leo manifestaberant ipsis filius maraldi et madelmo et sergio ut eis esse pertinentem unam clusuriam de terra de eodem loco veteri in quam illi molina edificata habebant in pede montis qui dicitur catabulu ut eis esse pertinentem ipsum molinum cum isclis et aqua et arcaturiis et trasita et exita sua illa et ista parte ipso molino et cum omnibus intro habentibus omnibusque suis pertinentiis et cum vice de viis suis. Seu et manifestaberant eis ut quantas res ipsi filii maraldi et ipsi madelmi et sergius habebant vel habuerunt in ipso loco transboneia et per fines et pertinente de eodem loco a fluvio qui dicitur gabatale ab unde descendebat et usque in aqua de albole et ab ipso fluvio de veteri in supra scepto illud unde ipso suprascripti manifestaberant ipsis germanis per ipsas fines et mensuras. Nam de ipso alio sicut dictum est, manifestaberant ipsis filiis maraldi et madelmo et sergio inclitam ipsam rem esse pertinentem per successione et per suas rationes. Simulque et manifestaberant eis de iscla illa que erat a rebolta in supto cum cisterna que ibi erat et usque viam trabersam antiquam que erat illa parte ipso fluvio in parte occidentis que discernebat a fine suprascripti filii maraldi et madelmi et sergii illorum esse pertinentes cum plaio et usque ipsa aqua de albole et ipsi iohanni et leo et eorum heredes nullam ibidem habere et neque per testes neque per munimina nec per nulla quoque inventa ratione cum ipsis omnibus suprascriptis vel cum illorum heredibus exinde causare aut contendere. et ipsi iohannes et leo et eorum heredes omni tempore antistare et defensare ipsis filiis maraldi et ipsis madelmo et sergio et eorum heredibus inclitam ipsam rem a parte uxoris sue et non aliquid inde eis vel eorum heredibus tollere aut contrare quererent sicut ipsa carta continet, scripta per romoaldum notarium, in quam ipse petrus iudex subscriptus est. Quinta ex eis scripta per iaquintum notarium octabo decimo anno principatus domni guaimarii, mense augusto, quarta indictione. qualiter riso et rodericus germani filii maraldi et madelmo filio iaquinti ad tenendum et rongandum tradiderant petro filio iohannis et leoni filio ursi amalfitani de silbis eorum quas habebant in loco monte qui dicitur caputaquis propinquo traboneia que erat per fines: a parte orientis finis aqua que dicitur sabuculu et inde saliente per ipsam aquam que in ipso sabuculo decurrebat. et per ipso monte usque in serra. et per ipsam serram descendente usque in aqua que dicebatur iohannis et de alia parte finis illorum intra ipsas fines tradiderant eis de silba ad duabus peciis de cesinis in illa ratione sicut ipsa carta continet, in qua romualdus subscriptus est. Sexta ex eis scripta per mirandum notarium vigesimo septimo anno principatus domni guaimarii, et primo anno principatus domni iohannis eius filii,mense ianuario, quartadecima indictione. qualiter eupractius grecus presbiter et abbas ecclesie sancti nycolai, que sita est in loco veteri a supter mare pertinente lamberti et landoarii comitibus germanis filiis quondam alberti comitis: una cum eo esset petrus advocator ipsius ecclesie et risus et rodericus germani filii ipsius maraldi, et madelmo filio quondam iaquinti, et petrus nepos eiusdem madelmi filii quondam sergii, tradiderant iohanni natibo de loco pecara territorio amalfitano filio mauronis de rebus pertinentibus ipsius ecclesie et ipsorum suprascriptorum parentum consortum que erat in ipso loco albole, illa parte que erat medietate pertinente ipsius ecclesie et medietatem omnibus suprascriptis, et de ipsa medietate ipsorum suprascriptorum medietate pertinebat ipsis riso et roderico et mediatore ipsis madelmo et petro: et de ipsa medietate ipsorum madelmi et petri tres partes pertinebant ipsi madelmo et partem ipsi petro a parte imperatisse matris sue sororis ipsius madelmi. et erat illud quod ei tradiderat terra vacua in omni facie per mensura passi sexaginta, sicut ex omni parte ad finem illorum coniungebat. etiam et tradiderant ei unam peciam de terra cum castanieto illorum ibi propinquo per fines et mensurias; incipiente a capite de vallone qui inde esse videbatur et saliebat usque tractorario, inde erant passi sexaginta: et ab inde rebolvebat per cristone quasi in parte orientis passi centum viginti: et ab inde descendente per tractorarium ipsum et coniungente in alio tractorario, passi septuaginta octo: et ab inde saliente per alium tractorarium, passi quadraginta octo: et ab inde qualiter saliebat per ipso vallone et coniungebat in primo fine. Quam et tradiderant ei omnes alias castanieta illorum quas habebant in ipso loco cum vice de viis suis in illo hordine, sicut ipsa carta continet, in quam subscripti sunt romoaldus castaldus et romualt. Septima carta scripta per ipsum mirandum notarium trigesimo anno principatus domni guaimarii, et secundo anno principatus domni guaimarii eius filii, mense februario, secunda indictione. Qualiter ipsi eupractius abbas ipsius ecclesie sancti nycolai et riso et rodericus et madelmus et petrus: Tamen ipse risus pro vice sua et romualdi notario generi sui et romualdi filii sui tradiderant iohanni filio iohannis venum qui erat natibus de terra de amalfis de rebus pertinentibus ipsius ecclesie et ipsorum suprascriptorum quas comune habebant in ipso loco albole ubi palumbara dicebatur, que erat medietatem pertinente ipsius ecclesie et medietatem ipsorum omnium suprascriptorum, et de omni parte ad finem illorum coniuncta erat; et tradiderant inde ei unam peciam que adiacebat in parte orientis de longitudine habentem ex ambabus lateribus ana passi centum, et de latitudine passi triginta tres, et tertium unius passi, ut usque duodecim annos illud tenere, et omnia eis adimplere, sicut ipsa carta continet, in quam alderisi et dauferius notarii subscripti sunt. Octaba carta scripta per ipsum mirandum notarium tricesimo anno principatus suprascripti domni guaimarii, et secundo anno principatus ipsius domni guaimarii eius filii,mense februario, secunda indictione. quomodo ipsi eupraxius et risus et rodericus et madelmus et petrus, tamen ipse risus vice sua et ipsius romualdi notarii generi sui et predicti romualdi filii sui tradiderant sergio et urso qui erant natibi de terra de amalfis ac filii iohannis cum parti de rebus quas commune habebant in ipso loco albole ubi palumbara dicebatur, unam peciam de terra longitudine de ambabus lateribus ana passi centum, et latitudine in omni loco passi sexaginta sex et duas partes unius passi ad iuxtum passum hominis. et iacebat ipsam peciam in parte occidentis, et de omni parte ad finem illorum coniuncta erat cum vice de via sua: ut usque duodecim annos completos illud tenerent et omnia ex eo eis adimplere, sicut ipsa carta continet, in quam ipsi alderisius et dauferius notarii subscripti sunt. Alterum ex ipsis preceptis ipsius mascini scriptum per raceprandum lebitam et scribam sacri salernitani palatii anno nonodecimo principatus suprascripti domni nostri gisulfi, mense ianuario, concurrente indictione quartadecima. Qualiter ipse domnus princeps concesserat et confirmaberat ipsi mascino clerico et adelario germanis filiis ipsius romualdi et iaquinto et ademario germanis filiis ipsius madelmi et pantaleoni atrianensi filio quondam petri et urso filio quondam sergii castaldi et pulissene filia quondam alferii que erat uxor ipsius ursi et blacta uxoris petri granite filii quondam sergii atrianensis et gregorio et riso clericis germanis filii quondam iaquinti clerici et medici omnes res quas eis per illorum munimina et per iustitiam pertinebat habere foris anc civitatem in locis transboneia et albole et aqua palumbara et monte de falerzu et aqua iohannis et caput de aqua et sabuculu et fossatu, et per fines et vocabula et pertinente ipsorum locorum cum omnibus que intra eas sunt cunctisque eorum pertinentiis, et cum vice de viis eorum; ea ratione, ut semper fierent in potestatem illorum et heredum eorum, et liceret illos et illorum heredes de eo facere quod vellent. Sic tamen ut ex ipsis rebus que indivise erant, unusquisque ex illis et heredes illorum haberent qualiter per gradum successionis et per suas alias rationes eis habere pertinebat, et omnes res quas ex eis illis per cartulas divisionis et diffinitionis et per alias rationes habere pertinebant, semper illi et illorum heredes eas haberent, quemadmodum ipse diffinitionis et divisionis cartule et alia ratione continebant. et neque a suis iudicibus, comitibus, castaldeis, neque a quibuscumque actoribus sue reipuplice, quolibet tempore illi et illorum heredes haberent ex hoc quod eis, ut suprascriptum est, concesserat et confirmaberat aliquam contrarietatem: Sed in perpetuum illud illi et illorum heredes secundum suprascriptum tenorem securiter haberent et facerent ex eo quod vellent, sicut ipsum preceptum continet. Cum autem suprascripte cartule et precepta et brevem sigillatum fuerunt ostense et lecte, diu inter se ipsi mascinus et iohannes altercantes: volebat sibi ipse iohannes cum consortibus suis habere integram ipsam rem de suprascripto loco albole per suprascriptas fines quas ipse cartule quas superius ostendit, continent. Hecontra ipse mascinus dixit suprascriptam rem non debere ipse iohannes cum consortibus suis habere, sed sibi et consortibus suis esse pertinente per suprascriptas cartulas et precepta que superius ostendit. Et dum ex hoc ipsi mascinus et iohannes inter se non modicum causarent, dixit ipse mascinus suprascriptam quintam cartulam quam ipse iohannes ostendit et tota superius per hordinem declarata est, falsam esse: ipse iohannes respondit illam verax esse, et secundum legem illam adverare posse. Ego autem sicut inter eos convenit, iudicavi, et ipsos mascinum et iohannem guadiare feci, ut per partem plicarent se, et ipse mascinus paret sancta dei evangelia, et ipse iohannes secundum legem per sacramentum ad ipsa evangelia cartulam ipsam adveraret. et ubi taliter illam adveraberit, iam semper ipse iohannes filius suprascripti mauri et consortes eius et sui et illorum heredes securiter habeant totas et integras suprascriptas res de iamdicto loco albole per suprascriptas fines, quas ipsa carta quam adveraberit, continet, secundum textum ipsius cartule quam adveraberit: et faciant ex eis quod voluerint absque contrarietate ipsius mascini et heredum eius. et ipse mascinus fideiussorem ipsi iohanni posuit petrum qui vocatur de rocca filium quondam iaquinti, et ipse iohannes eidem mascino fideiussorem posuit stefanum filium quondam leonis atrianensis. et taliter per partes ipsius iohannis tibi iohanni notario scribere precepi. ego qui supra iohannes iudex. Et cum supradictum scriptum fuit ostensum et lectum, ipse mascinus paravit sancta dei evangelia, et ipse iohannes plicatus cum suis sacramentalibus, videlicet cum grusa sorore sua que est uxor marini atrianensis filii quondam iohannis et cum marenda similiter sorore sua que est uxor lupeni atrianensis filii quondam leonis et cum duobus aliis liberis hominibus per sacramentum ad ipsa evangelia iurando dixit quod ipsam cartulam que tota superius per hordinem declarata est, in qua ipse ademarius iudex subscriptus est, in omnibus quas continet, veracem esse. et sequenter eum ipsa marenda soror eius, dum ibidem ipse maritus eius adesset, similiter ad ipsa evangelia per sacramentum iuravit dicens sic esse verum, sicut ipse iohannes frater eius iuravit. ad ipsam vero grusam et ad predictos alios sacramentales ipse mascinus per susceptum launegit donavit ipsum sacramentum quod iurandi erant et finierunt ipsas causas. Ego autem dum taliter ipsos iohannem et marendam iurantem vidi, rursus sicut inter ipsos iohannem et mascinum convenit, iudicavi, ut ipse iohannes filius ipsius mauri et consortes eius et sui et illorum heredes semper securiter habeant totas et integras suprascriptas res de iamdicto loco albole per suprascriptas fines, quas ipsa carta quam adveravit, continere videbatur iuxta textum eidem cartule, et faciant ex eis quod voluerint absque contrarietate ipsius mascini et heredum eius. quod autem superius inter virgulos scriptum est, legitur: in aqua. et quod superius disturbatum est, legitur: et usque viam trabersam antiquam que erat illa parte ipso fluvio in parte occidentis que discernebat a fine suprascripti filii maraldi et madelmi. et taliter pro perpetua securitate ipsius iohannis filii mauri et consortum eius et sui et illorum heredes tibi iohanni notario scribere precepi. + Ego qui supra iohannes Iudex.

Source Fulltext: Codex Diplomaticus Cavensis, vol. CDC.008, -, Estratto da ALIM