+ In nomine domini vicesimo tertio anno principatus domni paldolfi gloriosus princeps, mense martius, secunda indictione. Nos i sumus maria filia sparani, et que sum uxor adelferi filii rocci, et doferada, et ageltruda germane filie mauri declaramus, nos abere casa intus civitatem abellini propinquo ipsa porta pertinentem michi marie a supradicto mauro qui fuit anteriore viro meo, per scriptum morgincaht, quod aput me firmatum reteneor alio die nostre copulationis secundum legem michi emissum abeo adque firmatum, et nobis doferade et adeltrude est pertinentem per subcessionem a supradicto genitore nostro, et supradicto mauri fuit pertinentem da grimoaldus filius balsami et da maria uxor ipsius grimoaldi, et ipsius grimoaldi fuit pertinentem da musamdam filia richardi que fuit uxor alemanni filii sillicti, et da grima filia celsi que est uxor richardi archidiaconi et filii idem richardi, et ipsius musande fuit pertinentem a supradicto alamanno viro suo per scriptum morcincaht, et ipsius grime fuit pertinentem a supradicto richardo archidiacono viro suo per scriptum morginchat, et supradicti richardi archidiaconus fuit pertinentem a supradicto alamanno cognato suo. Modo quidem congruum nobis ost ipsa casa, ut diximus, cum ipsas moniminas que de ipsa casa sunt pertinentem adque continentem, illut vindere deodede presbiteri filio petri et iohanni filio idem iohanni, qui sunt fratri de una matre natis; et dum oc intelleximus, ut femina per lex et sine notitia iudici et de mundoalt suis illut benundare non potere, set una nobiscum adesset madelmo et petrus presbiter propinquioris parentibus nostris, et ego maria una cum ipso predicto adelferi viro meo et mundoalt, et doferada et ageltruda una cum maio et iohanne tiani adque mundoalt nostri perreximus ante presentia mari iudicem, et per ordinem intimabimus ipsa nostra vinditione; nos denique mulieri ab eodem iudicem inquisite sumus, si aliqua violentia pateremus ab eodem viro adque mundoalt nostris, aut a qualibet hominem; nos autem mulieri manifeste sumus, quia neque ab eodem viro, neque a supradicto mundoalt, neque a qualibet homine aliquam violentia non pateremus, nisi nostra vona voluntatem ipsa iamdicta casa vindere; set data est nobis lex a supradicto iudicem et consentientibus nobis ipsi supradicti parentibus nostris, et michi marie predicto viro meo et nobis doferada et adeltruda consentientibus nobis maio et iohanne tiani et mundoalt nostris, bona etenim nostra voluntatem et pro firmam stabilitatem interesset supradictus mari iudicem et aliis nobiliorum subscriptorum testium, ut ec nostra binditione firmam et stabilem esset permaneat. Quapropter nos supradicte mulieri maria et doferada et adeltruda, que sumus matrem et filie, sicut nobis congruum est vone etenim nostre voluntatis, et ego maria una per consensum et voluntatem supradicti adelferi vir et mundoalt meus, et nos doferada et adeltruda una per consensum et voluntatem supradictorum magi et iohanni tiani et mundoalt nostri et per largietatem supradicti iudicem et de ipsi supradictorum parentibus nostris, et per eadem cartula toti unanimiter pariterque consensum benundedimus vobis iamdicti deodedit presbiteri et iohanni ipsa casa, ut diximus, de intus eadem civitatem abellini cum ipsas moniminas que de ipsa casa sunt pertinentem adque continentem, et ipsa casa, ut diximus, sicut videtur esset infra ec finis: de duobus partibus quomodo platea precinget: de alia parte fine casa supradicti petri genitori tuoque deodede presbiteri: de quarta parte fine media trasenda; infra omnis iamdicte finis totam et integram ipsa casa vobis prenominati deodede presbiteri et iohanni benundedimus, una cum solio et sedime sua, quomodo clausa et cooperta est, et cum trasita et essita sua, et cum siriciriis et guctis suis da ipsa platea et da ipsa trasenda a foras ipsa mura in suo propio cecidentes et cum omnibus suis pertinentiis, ad semper abendum et possidendum vos quam et vestris eredibus et faciendum exinde omnia, quomodo et qualiter volueritis, sine contradictionem nostram et de nostris heredibus aliqua requisitione. Et pro anc nostra binditionem confirmandum adque constabiliscenclum continuo recepimus a te iohanne pro vice tua et pro vicem supradicti deodede presbiteri pretium aureo tari numero viginti et sex que inter nobis combenit: finita est ipsa nostra binditione, et unde obligamus nos supradicte maria una per consensum et voluntatem supradicti adelferi vir et mundoalt meus, et nos doferada et adeltruda una per consensum et voluntatem supradictorum magi et iohanni tiani et mundoalt nostri, et per largietatem supradicti iudicem et de ipsi iamdicti parentibus meis, et nostris obligamus eredibus vobis prenominati deodedi presbiteri et iohanni, quam et ad vestri eredibus obligamus nos. Quod si aliquando temporem eadem nostra binditionem, uti prelegitur, retornare aut remobere quesierimus per quacumque inbentam rationem, volendum exinde vobis aliquit tollere aut contrare vel minuare, aut de vestra substraere proprietatem et dominationem, aut si illut nos et nostris eredibus vobis et ad vestris eredibus non defensaberimus ab omnibus ominibus vel partibus, et cui a nos datum vel alienatum esset paruerit, et da illorum eredibus non defensaberimus; ydeo ante omnia questio et causatio nostra vacua et tacita sint, et viginti solidi aurei constantini nos et nostris eredibus vobis et ad vestris eredibus, et cui ista cartula in manum paruerit, componere obligamus, et in antea per inbitis semper tacitis et contentis permaneamus, adque per inbitis illut vobis defensemus, sicut supra vobis obligati sumus per supradicta obligata pena. Et aliter statuimus in eadem nostra vinditionem, ut quando volueritis per vos exinde fierit autores et defensores, potestatem abeatis vos et vestris eredibus, et cui a vos datum paruerit et illorum eredibus, ipsas moniminas exinde pertinentem et continentem ad legem ostenderet, et cum vestris causatoribus inde contenditem omnemque difiinitionem exinde cum ei facitem, sicuti nos facere debuissemus, et illut vobis defenditem et securiter possidetem; et quando non vultis per vos exinde defensori esse, remittitem11Remittitem, et supra contenditem, facitem, defenditem, possidetem, pro remittite, contendite, facite, defendite, possidete. aput nos et aput nostris eredibus ipsas moniminas, que de ipsa 1Remittitem, et supra contenditem, facitem, defenditem, possidetem, pro remittite, contendite, facite, defendite, possidete. casa sunt pertinentem adque continentem, ut non fiat capsata aut falsata, ut illam ad legem ostendere possamus, ad abendum illam aput nos per dies triginta ad causandum, et cum eas fines faciendum cum nostris causatoribus, et sic defensemus illut vobis ab omnibus ominibus ab omnibusque partibus, et post ipsis dies triginta retdamus vobis ipsas moniminas salbas, quales illas nobis dederitis per eadem obligata pena. Et ec omnia fecimus, sicut superius legitur, nos prenominate mulieri mater et filie una per consensum et voluntatem de supradicti mundoalt nostri et per largietatem de supradictus iudicem adque pariter cum illis per supradicta obligata pena. Quod te gualfus archisubdiaconus et notarius scribere rogabit in abellino mense et indictione feliciter. + Ego qui supra mari + Ego landolfus arhipresbiter.

Source Fulltext: Codex Diplomaticus Cavensis, vol. CDC.004, -, Estratto da ALIM