+ In nomine domini bicesimo primo anno principatus domni nostri guaimarii gloriosi principis, mense september, octava indictione. memoratorium factu a me iohannes presbiter filio petri, eo quod ante presentia domni maioni abbati ecclesie sancti maximi coniuntus sum cum ademari filio ursi, ad diffiniendum cum eum de causationibus, que cum eum ante os annos abuit ante romoaldus comes unum de dominii ipsius ecclesie, de terra cum arbusto pertinentem ipsius ecclesie, quod ego in beneficium teneo a pars ipsius ecclesie de locum nuceria. Unde ego inde ostedi unum brebem, qualiter ego datum abuit ipsius ursi filio audoaldi genitor ipsius ademari ipsa terra per ec finis: de una pars a septemtrionis sicut medio aquario discernit, unde aqua fluminario discurret: de subter parte ab occidentis fine de eredes ermeperti, sicut limite et sabuci et sepe discernit: alia bero parte a meridie fine terra ecclesia sancti biti, quomodo derictum exiet iusta ipsa ecclesia sancti biti qui ora de puteum pertinentem de ipsa terra, cessante ab ora de ipso puteum in ipsa pars meridie pedes duo ad manum, et sic derictum exiente usque ad fine ipsius ecclesie sancti biti, et inde rebolbente per ipsa fine in partibus septemtrionis, sicut medio poiu et sabuci discernit; et iterum rebolbente per ipsa fine sancti biti in partibus orientis, sicut limite discernit; et exiente derictum per fine de eredes ipsius ermeperti et coniungente ad fine de eredes ermengardi, sicut aliquantum ibidem fundamentum de pariete antiquo discernit; a partibus orientis fine de eredes daudati, sicut sepe et sabuci et limite discernit et coniungente in ipso aquario quod est priore fine; et cum fuit relectum ipso brebem, diximus, ut ipsa rebus non est sic operata et laborata, sicut ipso brebem continet, quem pars ipsius ecclesie abet: ipse ademari dixit, sic illut aberet factum et laboratum, sicut ipse genitor suus obligatus fuit et tando super rebus ipsa perreximus cum ipso suprascripto comes et cum aliis boni ominibus de illuc nuceria, et minime rebus ipsa inbenimus facta et operata et clusa, sicut ipse suus exinde obligatus fuit, et ille per legem nobis cecidere debet; set antequam plus inde fierent causationes, per colloquium de ipso comes et de aliorum bonorum omines benimus ad bona combenientia cum ipse ademari per demandationem ipsius domni abbati per succeptum launegilt donabi ego ipsius ademari omnes calumnie exinde, et ipse ademari bolumtarie sue per bona combenientia remisit ad potestate ipsius ecclesie inclita medietate ipsa terra cum arbustum infra supradicte finis qui est in partibus orientis, faciendum exinde ipsa ecclesia omnia quod boluerit; modo autem, ut dictum est, cum ipso ademari sum coniuntum per absolutione et largietate de ipsum domnus abbas, una mecum adessec petrus comes, qui est adbocator et unum de dominii ipsius ecclesie, tradidimus ei ipsa alia media terra cum arbusto infra supradicte finis ipsa medietas a pars occidentis cum omnia intro se abentibus et suis pertenentiis et cum bice de bia sua; ideo, sicut diximus, ipsa medietas qui est in pars occidentis ei ad tenendum tradidimus. Unde pro taliter guadia mihi ipse ademari dedit, et mediatorem mihi posuit seipsum, tali ordine, ut amodo et omni tempore, usquedum ille eos tenere et laborare boluerit, sue sint potestatis, eos tenendum et dominandum, et fobee et omnis sue utilitatis in ipsa medietate in pars occidentis ibidem faciad iusta ratione, et temporibus suis ipso arbustum scalciant et propaginare, potare, et ubi meruerit, arbores et bites ibidem plantare, et bites traere, et sic eos laborare de super et de subter, sicut ipse locus meruerit, ut proficiad et non disperead, et per circoitum illut cludant et clusum illum abeant omni tempore, et ibidem residere et abitare, et omnis sue utilitatis iusta rationem ibidem facere, et palmentum fabritum omni tempore ibidem abeant, sicut meruerit, et per bindemie sue tempore faciad nos vel pars ipsius ecclesie sancti maximi, ut ibidem dirigamus missum nostrum, et acto tempore eos bindemiarent, et ipso binum ibidem ad palmentum et omnis poma exinde dibiderent per medietatem: nos vel pars ipsius ecclesie medietatem, et ille et suos eredes medietatem; sic tamen, ut ipsa sortione predicte ecclesie sancti maximi de ipso binum per tempore illut portarent ad cellarium predicte ecclesie a subtus parieti infra ipso locum nuceria, et mittad illum in organea quod ibidem pars ipsius ecclesie ei adsignaberint, et per illum et per eius eredes siad annualiter ipsa organea conciata bona; et si boluerit pars ipsius ecclesie eis dare organea bona, ut illut reponad in ipsa casa quem ibidem factam abet, et ipsa organea bona conciarent, et ipso binum sortionem ipsius ecclesie in ipsa organea mittere, et salbum illut faciant, absque degeneratione et ingne, donec illut inde tulerit pars ipsius ecclesie sancti maximi, et donec ibidem steterint ipsum missum predicte ecclesie pro recipiendum ipsa sortione de ipso binum, illis autem eum notrire iusta ratione, et darent ei palmentateca iusta consuetudinem de ipso locum; et de quod infra suprascripta rebus seminaberint, deant exinde semper terraticum ad pars ipsius ecclesie iusta consuetudinem de ipso locum; et a quo ipsa rebus tenere aut laborare noluerint in predicto ordine, inclita rebus ipsa laborata et cultata et clusa remittere ad potestate predicte ecclesie, et licead illis exinde exire cum omnis sua mobilia que ibi abuerint, et cum tota ipsa lingnamina de ipsa casa extra ipso palmentum, et si coopertum fuerit illis diebus ipso palmentum, siant de ipsa ecclesia; et si aliquando tempore ille et suis eredes de ac terra salernitana exierint pro aliubi ad abitandum, aut si talem fecerint culpam, unde ad palatium cecidere debuerit, similiter rebus ipsa cum omnia intro se abentibus perbeniant ad potestate predicte ecclesie; et si infra tribus anni ic rebersi fuerint ad abitandum, aut si de ipsa culpa et boluerint rebus ipsa tenere et laborare in suprascripto ordine, inclitum illut rebertar ad potestate illorum et de illorum eredes, ad abendum in suprascripta ratione: tantum, si ipso annum quod redierint, rebus ipsa laborata fuerit, licead illis qui eos laboraberint, inde tollere omnis frugens. quod si taliter etc. Statuta multa viginti auri solidorum constantinianorum. et hunc brebem scripsi ego ademari notarius qui interfui. + Ego arechisi notarius me subscripsi + Ego ragemprandus me subscripsi + Ego Iaquintus notarius me subscripsi.

Source Fulltext: Codex Diplomaticus Cavensis, vol. CDC.004, -, Estratto da ALIM