+ In nomine domini vicesimo sexto hanno principatus domni nostri guaimarii glorioso principe, mense december, tertiadecima indictione. Ideoque nos mulier nomine senda filia selicti relicta iaquinti filii machenolfi, et mari filius ipsorum iaquinti, et senda clarefacimus comuniter abere una pecia de terra, nostra cum arbustis vitatis, ubi ad catamaurici dicitur, cum grimoaldus cognatum et thio nostrum per hec finis et mensurie: a pars occidentis fine via, sunt inde passi viginti et medium: a septemtrionis fine de consortibus nostris, sunt inde passi quinquaginta unum: ab oriente fine nostraque mater et filium, sunt indeque passi viginti unum: a meridie fine similiter de consortibus nostris, sunt inde passi alii quinquaginta unum, totum ad iusto passum homini mensuratum; de hec vero pecia de terra per iamdicte finis et mensurie nobis qui supra mater et filium inde est pertinentes medietatem, et ipsius grimoaldi similiter medietatem; et congruum est nobis ipsa nostra medietate donare ipsius grimoaldi cognatum et thio nostrum. Et ideo, sicut nobis congruum est, bone nostre voluntatis, tamen ego nominate mulier per consensum et voluntatem ipsius mari filius meus, in cuius mundium me subiacere palamfacio, ante presentia mirandi iudici et alii testes per hanc cartulam nos supradicti mater et filius donamus adque ad semper habendum confirmavimus tibi qui supra grimoaldi cognatum et thio nostrum filium garofali tota et inclita ipsa nostra medietate de ipsa pecia de terra per supradicte finis et mensurie, cum omnia intro se habentibus et suis pertinentiis, et cum vice de via sua, ad securiter et firmiter amodo et semper tu tuique heredibus, et cui cartula ista in manum paruerit, eos habendum, possidendum, dominandum, omnia exinde faciendum quod volueritis. Unde pro hoc donum vobis confirmandum iuxta legem launegilt a te exinde recepimus duodecim auri tari boni in omnis deliveratione, sicut inter nobis combenit; de qua nos supradicti senda et mari bone nostre voluntatis guadia tibi supradicto grimoaldi dedimus, et mediatorem tibi posuimus gaudiosus filius gualperti; tamen ipse gaudiosus est filius ursi gualperti; et per ipsa guadia etc. Statuta multa triginta auri solidorum constantinianorum. Et taliter scribere rogavimus te iohannes clericus et notarius, hacto uius nucerie. + Ego qui supra mirandus iudex + Ego amatus.

Source Fulltext: Codex Diplomaticus Cavensis, vol. CDC.004, -, Estratto da ALIM