+ In nomine domini vicesimo nono anno principatus domni nostri guaimari, et tertio anno principatus domni iohanni eius filio, gloriosi principibus, mense nobember, prima indictione. Ideoque ego urso filius quondam andree, sicut michi congruum est, mea bona boluntate per anc cartulam ante subscripti nobilibus benumdedit, adque ad semper abendum confirmabi tibi ademmari filio quondam domni sergi, qui fuit dux et imperiali patricio cibitatis amelfitanorum una pecia de terra mea cum binea de locum felline finibus salernitane, et est per ec finis et mensurie: a partibus meridie fine limite, inde sunt passi sidecim: a pars occidentis fine sicut medio rofaneo discernit, inde passi quadraginta sex minus pedes duo: de super a parte septemtrionis fine sicut medio rofaneo discernit, inde sunt passi duodecim minus summisse uno: a parte orientis fine petri, sicut termiti ficti sunt, inde passi triginta nobem minus palmum unum, et quasi per medium per trabersum sunt passi quattuordecim, totum mensuratum ad iusto passum hominum. Ec bero terra cum binea per supradicte finis et mensurie inclitam illam tibi iamdicto ademmari, sicut dictum, benumdedit, ad securiter et firmiter amodo et semper tu tuisque eredibus inclita supradicta mea bindictione abendi, possidendi, dominandi, omnia exinde faciendi que bolueritis, asque omni mea vel de meis eredibus contrarietatem vel requisitione; unde pro confirmandam et stabiliscendam vobis anc mea bindictione nuc a presentis recepi a te iamdicto ademmari emtorem meum statutum pretium, i sunt auri tari boni numerum quadraginta in omnis deliberatione, sicut inter nos combenit. de qua per bona combenientia ego supradictus urso guadia tibi iamdicto ademmari dedit, et mediatorem tibi posuit me ipsum; et per ipsa guadia obligo me et meos eredes amodo et semper antistandum et defensandum tibi tuique eredibus inclita supradicta mea bindictione, cum bice de bia sua, a pars uxori mee et da omnis omine omnique partibus, et pro ad defensionem vos semper abendum dedimus tibi tres scriptionis continentem de ipsa rebus. unum iudicatum, qualiter iohannes faber qui pericus bocatur, filius iohanni, causaberad cum adelmundus filio aghenardi, ut ipse adelmundus cum filii et ominibus suis malo hordine introisset in rebus ipsius perici de ipso locum felline: scripto iudicatum ipsum per constantinus notarius, et ibidem scriptum gaido iudex. unum brebem, qualiter andrea filius iohanni faber coniuntus fuit ad combenientia cum urso clerico et petrus germani sui propter terra cum binea de ipso locum felline pro sortione, quod exinde superflua tollere querebad, quod dixerunt paratam habere a parte andree abitantes de caput-aquis, et da domnanda uxore sua: scripto erad brebem ipsum per petrus notarius, et ibidem scripti rodelghisi, et audelassi, et petrus. Alium brebem, qualiter ego coniuntus fuit cum petrus thio meus et dibidimus inter nos ipsa rebus, sicut ipso brebem continet: scripto brebem ipsum per romoaldus notarius, roboratus sufficienter. In oc hordine ipse scriptionibus tibi ad defensionem dedimus, ut, quando tu vel tuis eredibus de supradicta nostra bindictione per vos ipsis bolueritis esset auctores et defensores, potestatem abeatis bice nostra, cum ista cartula et cum ipse scriptionibus, quem vobis ad defensionem dedimus, et cum quale alia monimen et ratione que inde abere potueritis, in omnibus inde causare et finem facere, qualiter bolueritis; nam, quando me vel meos eredes de supradicta mea bindictione quesieritis exinde abere auctorem et defensore, remictite ad nostram potestatem supradicte scriptionibus, quem vobis ad defensionem dedimus, ad abendum nos ille usque dies triginta sex, et nos et nostris eredibus illut vobis defensemus, sicut superius legitur, cum bice de bia sua, sicut ipso brebem dibisionis continet, qui scriptum est per ipsum romoaldus notarius; et post complitim ipsi triginta sex dies ipse scriptionibus salbe, quale ille nobis dederitis, remictamus ille ad vestram potestatem, ad abendum vos ille salbe omni tempore in iamdicta ratione. Et si taliter omnia suprascripta tibi tuique eredibus non adimpleberimus, et aliquit, de quantum superius legitur, remobere aut contrare, quesierimus, aut si quodcumque causationes inde vobis preposuerimus, per ipsa guadia componere obligo me et meos eredes tibi tuique eredibus triginta auri solidos constantinos, et omnia suprascripta vobis adimpleamus, et questio et causatio nostra sint exinde tacita et bacua. Et taliter scribere rogabimus te iaquintus notarius, actum salerno. + Ego maio + Ego arechisi notarius me subscripsi + Ego petrus notarius me subscripsi.

Source Fulltext: Codex Diplomaticus Cavensis, vol. CDC.004, -, Estratto da ALIM