+ In nomine domini tricesimo anno principatus domni nostri guaimari, et tertio anno principatus domni iohanni eius filii, gloriosi principibus, mense september, prima die intrante secunda indictione. brebem emissum nobis guaiferius filius quondam guaiferi comiti et lando abbas monasterii sancti iohanni situs intus anc salernitanam cibitatem ante porta rotense, per combenientia ante subscripti testes communiter tradidimus iohanni molinator filio petri inclita duobus molina, que communiter abemus, que dedicata sunt in flubio lirino propinquo mare. inclita ipsa molina, qualiter conciata vel edificata sunt, cum mole et ferraturia sua, et cum arcaturiis, et iscle, et aquarum usibus, et transita et exita sua, illut eidem iohanni tradidimus, tali hordine, ut amodo et usque unum annum expletum in kalendas de suprascripto mense september liceret illum et homines qui ille miserint, inclita suprascripta molina sue potestatis tenere et dominare, et cotidie illam regere et conciare, ut perfecte macenare possant, et omnis molitura que de ipsa molina tollere vel abere potuerint, totum sue sint potestati, faciendum quod boluerit: preter per omnes kalendas deant ad missum nostrum ibidem biginti quadtuor modiola de granum, quale ibidem intraberit, mundum absque ordeum, ad tale mensura, quale usque nunc consuetudo est illut tollendum, et deant nobis omnis tunsura de ipsa molina: medietatem illut ad missum meumque guaiferi, et medietatem ad pars predicti monasteri; et quando infra ipso constitutum necesse fuerit mole in ipsa molina, nos ille ibidem eorum demus bone, sicut meruerit, per illis conciate et ordinate, sicut meruerit; et si ipsa arcaturia de ipsa molina plena vel rupta fuerit, ubi nos inde scire fecerint, da presentis illam conciare faciamus, sicut meruerit, et quantum opera perdiderit pro ipsa ruptura et mole et pro generationem, nobis illut imputemus, et per omnis ebdomada macenare michi nominati guaiferi omnis granum meum absque molitura, quod ibi mandaverimus, et in pars ipsius monasteri macenarent per omnis die sapati, sibe de nocte, omnis granum qui ibidem mandaverit, absque molitura. Unde in eo hordine per vona combenientia guadia nobis ipse iohannes dedit, et mediatorem nobis posuit: michi guaiferi posuit mediatore petrus comes quondam alfani, et michi nominati abbati mediatore posuit petrus filius arechisi; et per ipsa guadia obligavit se et suos eredes, ut si taliter, sicut dictum est, nobis non adimpleberit et aliquit exinde contradixerit, componere michi nominati guaiferi, vel ad meos eredes, et ad partibus ipsius monasterii quinquaginta auri solidos costantinos: ad ipso constitutum inclita ipsa molina cum omni pertinentia sua conciata ad nostra remittat potestatem, faciendum quod boluerimus, per suprascripta guadia et obligata pena. Verumtamen suprascripta molina cum omnis pertinentia sua et ipse isclis, medietatem pertinet michi nominati guaiferi, et medietatem predicti monasteri, et unc brebem scribsi ego dauferius notarius. + Ego myrandus notarius me subscripsi + Ego ademari me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM