+ In nomine domini tricesimo anno principatus domni nostri guaimari, et primo principatus domni guaimarii eius filio, gloriosi principibus, mense nobember, secunda indictione. Ideoque ego leo atrianense filius quondam sergi boccapiczola, sicut mihi congruum est, bona mea bolumtate per hanc cartulam benumdedi adque ad semper abendum confirmo tibi mulieri nomine monde congnate mee, filia quondam feri, qui sit uxor iohanni germano meo, inclita sortionem meam de omnis rebus mea quem abeo in locum trasboneia, ubi ad maiano dicitur, finibus mitilianense, de quantum quantoque de ipsa rebus mihi est pertinentes per successione, sicut diximus, inclitam ipsam meam sortionem tibi nominate monde congnate mee, astante ipso iohannes germano meo et predicto viro tuo, et per eius bolumtate benumdedi cum sortionem meam de omnis monimen inde continentes qui est rebus ipsa cum insitetum et terra bacua, cum omnia intro se abentibus et suis pertinentiis, et cum bice de biis suis, et cum ipsa sortionem meam de omnis monimen inde pertinentes. Unde de inclita ipsam meam sortionem de ipsa rebus nullam mihi, vel uxori mee, aut cuiqua ominibus, vel in quavis partibus, exinde restitit aut dicimus remanere sortionem. Set, sicut diximus, funditus illut tibi nominate congnate mee benumdedit, sceptuatum sortionem meam, quem abeo in terra cum castanietum meum qui est in ipso monte qui dicitur catarisuo, quod ad meam reserbo potestatem: illo aliut totum inclita ipsa sortione mea tibi nominate monde congnate mee benumdedit, ad securiter et firmiter amodo et semper tu nominata congnata mea et tuis eredibus illut abendum, dominandum, possidendum, omnia inde faciendum quod bolueritis, absque omni mea et de meis eredibus, aut cuiqua ominibus contrarietate vel requisitione. Unde pro confirmandam et stabiliscendam anc mea bindictione nunc a presentis recepi a te nominata congnata mea statutum pretium, i sunt auri solidi de tari septem ana quadtuor auri tari boni per solidos, sicut inter nos combenit in omnis deliberatione, finitoque vero pretium ipsum aput nos. Ea ratione per bona combenientia guadia tibi nominate congnate mee dedit, et mediatorem tibi posui me ipsum; et per ipsa guadia etc. Sequitur formula, statuta mulcta viginti auri solidorum constantinianorum. Et quale tempore tu et tuis eredibus per vos ipsi bolueritis inde esset auctores et defensores, bice nostra licentiam et potestatem abeatis in omnibus inde causare et finem facere, sicut bultis, cum quale rationem inde abueritis; nam, quando me et meis filiis et eredes exinde auctores et defensores abere quesieritis, ego autem et meis filiis et eredes inclita supradicta mea bindictione tibi tuique eredibus defensemus et omnia adinpleamus, sicut superius legitur, per supradicta guadia et obligata pena. Quam te ademari notarius scribere rogabimus, actum salerno. + Ego radoaldus me subscripsi + Ego petrus notarius me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM