+ In nomine domini undecimo anno principatus domni nostri guaimarii filii domni guaimarii, gloriosi principibus, mense februarius, duodecima indictione. Memoratorium factu a nobis iaquintus et lando et disiio comitibus, germani filii quondam disigi comiti, eo quod ante subscripti testes tradidimus fusci presbiteri filio (deest nomen) ecclesia nostra bocabulu sancta marie et sancti nicolai, que nos iamdicti germani ecclesia ipsa a nobo fundamine construnximus in rebus nostra illa pars et propinquo flubio siler, ubi propio ad mercatellum dicitur, qui est infra hec finis: a meridie fine litore maris, et de alie ex omni parte ad rebus nostra coniuntum est. Ideo, ut diximus, ipsa ecclesia ei cum omnis rebus et causa pertinentem ipsius ecclesie tradidimus, que nunc modo avet, et quod in antea per nos, seu et per aliis hominibus in ipsa ecclesia datum fuerit, videlicet mobilia et animaliis que modo ei adsingnavimus, planeta de linum una, orarum et ammittum, liver comite de circoitum annum, intefanaria dua, unum de nocte et alium de die, et unum salterium et superiovi11Quid per superiovi? et infra quid per scamagna? Forsitan aliqua species texturae lini. manule de siricum de scamangna et alium manule de siricum, 1Quid per superiovi? et infra quid per scamagna? Forsitan aliqua species texturae lini. sindone tres, curtina una; ipsi animaliis sunt illas, quod ego iamdictus iaquintus dedit in predicta ecclesia, iummenta una pollitrata, caballum unum cum sella et frenum, bacca una betellata, scurie tres porclate cum ana tres filios per scuria et ultres, capre alie tres filiate. Et ego iamdictus landus dedit similiter in ipsa ecclesia iummente tres, et backe tres, et scurie quadtuor cum ana tres filios per ec scuria, capre tres edate. Et ego iamdictus disiiu dedit in ipsa ecclesia iummenta una polletrata, bacca una betellata, porci capita decem, capre edate tres. Hec omnia suprascripta movilia et predictis animaliis ipsius fusci presbiteri modo adsingnavimus in tali ordine, ut amodo et cuntis diebus vite sue hipsa ecclesia, cum omnia que supradiximus, sue potestatis tenere et dominare, et omnis sue utilitatis in ipsa, ecclesia et in rebus ipsius ecclesie iusta ratione ibi facere, et amodo cotidie ibidem residere et avitare, et diu noctuque in ipsa ecclesia officiare et officiare faciant, sicut meruerit, presbiter villanos. Et omnis offerta et botationes seu sepultura, que in ipsa ecclesia intraverit, totum illut sivi aveant, faciendum inde quod boluerit, scepto, si ibidem intraberit animalia biba, aut tale causa que ad ornamentum fuerit de ipsa ecclesia, semper siant ad potestate de ipsa ecclesia, abendum et gubernandum illut, sicut et ipso aliut: simulque et alia rebus et causa, que per nos vel per nostris eredibus, seu per aliis hominibus in ipsa ecclesia datum et offertum fuerit amodo in antea, semper siant ad potestate predicti fusci presbiteri, abendum illut diebus vite sue, sicut et ipso aliut, et de ipsi animaliis, et de filiis filiabus quod fecerit, cotidie cura et bigilatione ipse presbiter abere, et faciant abere, ut proficiant. Et de omnes filios vel filias, quod amodo in antea de ipsis animaliis natos fuerit, tollant inde presbiter ipse una tertiam parte pro utilitate sua et de ipsa ecclesia, faciendum, qualiter boluerit iusta ratione. Et ipse alie due sortis cum tota ipsa capetania que supra diximus, semper sit de ipsa ecclesia, abendum illos eos in supradicta ratione. Et nos iamdicti germani hoc annum ibidem in rebus ipsius ecclesie pastenare faciamus usque conplete mille bites, sicut meruerit, et ipse presbiter ipso pastinum cotidie studiare, sicut meruerit, et binea perfecta illum perducere. Et quantum binum et frudium inde tollere et avere potuerit, totum illut sivi abeant, hita ut per omnis annum ipsa vinea laborare et studiare bona, sicut meruerit, ut proficiant et non dispereant: simulque, et quantum frudium de alia rebus indeque ipsius ecclesie tollere potuerit, similiter totum illut sivi abeant, faciendum quod boluerit. Et amodo et usque quadtuor anni conpleti per annum demus ipsius fusci presbiteri nobem auri tari boni pro comparandum inde vinum, ad sibi abendum, et ad die obiti sui ipsa ecclesia cum ipsa mobilia et cum predicti animaliis in supradicta ratione remittere ad nostra et de nostris eredibus potestate, et eredes suos liceat inde exire cum causa sua. de qua per combenientia guadia nobis ipse fuscu presbiter dedit, et mediatorem nobis posuit roderisius filius quondam grimoaldi: et per ipsa guadia etc. Sequitur consueta formula, statuta mulcta quinquaginta auri solidorum Constantini. verumtamen et amodo et usque conpleti anni ipse fusci presbiter stetit dare in ipsa ecclesia unum iestarum plenarium, semper ipso iestarum avendum ipsa ecclesia defensatum per ipsum presbiter da omnes homines omnique partibus per supradicta guadia et obligata pena; seu et dedimus licentia had ipsum presbiter, ut liceret illum in ipso lagu paulinum nostrum pertinente nassas ponere pro pisces compreendendum, et quantos pissces ibidem compreenserit, sue sint potestatis. Et hunc brebem scripsi ego ademari notarius. + Ego petrus me subscripsi + Ego ademari notarius me subscripsi + Ego iohannes notarius me subscripsi.

Source Fulltext: Codex Diplomaticus Cavensis, vol. CDC.005, -, Estratto da ALIM