+ In nomine domini tertiodecimo anno principatus domni nostri Guaimarii gloriosus princeps, filius quondam domni guaimarii principis, mense aprelis, quartadecima indictione. Memoratorium factum a me laurenti venerabili abbate monasterio sancti archangeli qui constructum in monte de cilentu, eo quod ante subscripti idoneis hominibus coniunctus sum ad vonam comvenientiam cum maio et guaimarius germani filii quondam guaiferii, et maraldus, et maio, et landolfus, et madelmus, et lando, germani filii quondam adelmundi, et iohannes, et poto, et pandolfus, germani filii quondam maioni, et sunt comitibus, propter quod ipsi fratres comitibus tenet commitatum camella, et ancilla dei, et palasea lucaniense finibus a parte supradicti domni eximii principis; unde modo ipsi comitibus pro iussione suprascripte gloriose potestatis remiserunt mihi vel in pars ipsius monasterii una pecia de terra que est inter batolla et ipsa camella, et est per as fines et mensuras: a parte septemtrionis per ballone qui est in parte de ipsa batolla, est inde passi centum quadraginta: a parte meridie fine alio ballone qui est in parte de ipsa camella, est inde passi nonaginta, et per trabersum quasi in parte orientis est inde passi octuaginta, totum mensuratum ad iusto passum ominis. Ec itaque pecia per iamdictas fines et mensuras ipsi comitibus mihi remiserunt et tradiderunt tali ordine, ut ego vel successores meos vel pars ipsius monasterii potestatem abeamus de ambi ipsi balloni aqua lebare et in ipsas pecia molinum edificare, qualiter mihi vel successores meos vel pars ipsius monasterii placuerit, illud abendum, dominandum, possidendum et omnia exinde faciendum quod mihi meique successoribus vel pars ipsius monasterii placuerit, absque illorum contrarietate vel requisitionem, sicut nostrum preceptum continet, quod a parte domni gloriosi principis firmatum et ab utile anulo sigillatum abemus; et per vonam combenientiam obligaberunt se i omnes suprascripti comitibus et illorum eredibus amodo, et dum ipsa commitata in ipsis partibus venierit, defensandum mihi meique successoribus, vel in pars ipsius monasterii suprascripta tradictione per iamdictas fines et mensuras da omnes homines omnique partibus, sceptuatum a parte supradicte gloriose potestatis: et si taliter etc. Statuta mulcta ducentorum auri solidorum Constantini. quod scripsi ego ademari notarius. + Ego landolfus + Ego qui supra Ioannes comes.

Source Fulltext: Codex Diplomaticus Cavensis, vol. CDC.005, -, Estratto da ALIM