+ In nomine domini sextodecimo anno principatus domni nostri guaimarii gloriosi principis filii quondam domni guaimarii, mense nobember, secunda indictione. Memoratorium factum a me laurenti abbas monasterio sancti archangeli qui constructum est in monte de cilentum, eo quod ante subscripti idoneis ominibus coniuntus sum cum ..... et guaimarius germani filii guaiferi, et cum maraldus, et maio, et landolfu, et madelmo, et lando, germani filii quondam adelmundi, et iohannes et poto, germani filii quondam maioni comitibus ...... propter quod ipsi omnes suprascripti comitibus tenunt comitate, per nominatibis locis camella, et ancilla-dei, et palearea lucanie .... parte supradicti domni eximii principis, unde modo ipsi omnes suprascripti comitibus per iussione suprascripte gloriose potestatis tradiderunt ad potestate mea et in pars ipsius monasterii una pecia de terra que est inter batolla et ipsa camella, et est per as fines et mensuras: a parte septemtrionis per ballone qui est in parte de ipsa batolla, sunt inde passi centum quinquaginta: a parte meridie fine alio ballone qui est de ipsa camella, inde sunt passi duocenti nonaginta, et per trabersum quasi in pars orientis passi centum quinquaginta, quomodo termiti ficti sunt, totum mensuratum ad iusto passum ominis. Ec itaque pecia de terra per iamdictas fines et mensuras per combenientia mihi tradiderunt tali ordine, ut amodo et semper ego et successores meos et partibus ipsius monasteri potestatem abeamus de ambo ipsi balloni aqua lebare et in ipsa pecia de terra molina edificare, qualiter boluerimus, et illut abendum, dominandum, possidendum et omnia exinde faciendum nos vel pars ipsius monasteri, qualiter nobis placuerit, asque omni illorum contrarietate vel requisitione, sicut nostrum preceptum continet, quod exinde firmatum abemus a pars supradicti domni principis. Et per bona combenientia obligaberunt se i omnes suprascripti comitibus et suis eredibus amodo, et dum illis ipso comitatum in ipsis partibus tenuerit, defensare mihi meique successores, vel in partibus ipsius monasterii, inclita suprascripta illorum tradictio per iamdicte finis et mensurie, cum bice de bie sua, da se ipsis comitibus et da redibus illorum et da omnes omines, qui in ipso comitatum illorum abitantes sunt, sceptuatum da pars suprascripti gloriosi principis. Et si taliter omnia suprascripta mihi et ad successores meos, vel in pars ipsius monasterii, non adimpleberit et aliquit de omnia suprascripta remobere aut contrare quesierit, per bona combenientia componere obligaberunt se et suis eredibus mihi, vel in pars ipsius monasterii, duocenti auri solidi constantini: tantum stetit inter nos, ut oc annum ominibus qui ipse terris laboraberit, liceat illis inde exscutere ipsi labori sui, et ipse terris bacue perbeniat ad potestate de pars ipsius ecclesie, de quibus dua scriptora inde scribere fecimus, istum que emisimus ad pars ipsius ecclesie, et alium que inde nos retinemus, quod scripsi ego alderissi notarius. + Ego maraldus + Ego qui supra ioannes comes.

Source Fulltext: Codex Diplomaticus Cavensis, vol. CDC.005, -, Estratto da ALIM