Je Gheraert van Merxsem, heer van Berghe, doen cont al len luden, die desen brief sullen zien oft horen lesen, dat je gheset hebbe ende zette in hainden beeren Arnouts, heere van Cruninghen, mijns liefs neuen, alle mine thienden, die je hebbe ende mi toebehoren binnen den lande van Akeren ende van Ettenhoue, hem mede te quitene van alsulker scult, die je scul- dich ben Wouter Kritsaert van Louene ende mierre zuster van Vryesele, daer die summe af loept neghen hondert ouder'scilde ofte die waerde daer af in anderen goeden paymente, jn aldus , danegher manieren, als dat Wouter Kritsaert ende mijn zuster van Vriesele voernoemt den voers. heeren Arnoude van Cru ninghen ouergheuen ende leueren sullen alle brieue, die sij op mi hebben sprekende vanden voers. neghenhondert ouder scilde. Voert soe gheloue je bi mierre trou wen ende zekerheit, dat je nocht niement van minen weghen der voerseider thienden ons niet onderwinden en sullen in enegher manieren voer dien tijt dat ic den voers. heeren Arnoude van alle der voerscreuender scult volcomelije ghequijt sal hebben, nocht niet daer jeghens te doene nochte doen doene in eneghen poynte, behoudelijc dien dat je selue die voers. thiende jaerlijes sal verpachten,

79

welken pacht je sal doen ghelouen den voers. beeren Arncrade van Cruninghen often ghenen, die van sinen weghen sal we- sen, alle arghelist wtgesteken, die men hier in vinden mocht, Voert soe ghelouic Gheraert van Merxsem voern. alsulke brieue, alsic sprekende hebbe vanden goede van Akeren, die mi toe behoren, den voers. beeren Arnoude van Cruninghen ouer te gheuene ende te leueren tusschen nv ende sente Jans misse Baptiste nu naest comende. Jn kennissen der waerheit hebbic Gheraert van Merxsem voern. desen brief beseghelt met minen seghele, ende hebbe ghebeden ende bidden omme die meerre zekerheit minen lieuen gheminden heere, heeren Heinrike van Boutersem, beer van Berghen opden Zoem, heeren Francken van Borselen, heeren Hughemanne van Zeuenberghe, heeren Janne van Craynem, rldderen, ende Janne van Craynem, dat si desen brief met mi beseghelen willen als ghetughen. Ende wij Heinric van Boutersem, beer van Berghen op den Zoem, Francke van Borselen. Hugheman van Zeuenbergben, Jan van Craynem, ridderen, ende Jan van Craynem, knape voern, ouermits beden heeren Gheraerts van Merxsem, ridder voern. hebben alse ghetughen van allen voerscr. saken onse seghelen an desen brief ghehanghen. Ghegheuen int jaer ons Heeren dusent driehondert vier ende tsestich op den yersten dach van der maent Meye.

Van Je zes zegels de vier laatsten behouden doch zeer beschadige!.