Wi Sueder here van Apecoude maken cont allen luiden,

56

dat wi ontfanghen hebben van enen hoghen edelen prinse, heren Eeynout hertoghe van Ghelren ende greue van Zutpheen, onsen lieuen here, onse huus te Duersteden, de heerscappe van Wiic ende de porte van Wiic mitten gherichten hoghe ende leghe ende mit allen horen toe behoren ende mit horen rechte, alzoe alsi gelegnen zun, ende mit allen vesten, deder nv an siin ende men hier namaels • daer an maken zal, van hem ende sinen nacomelinghe te houdene, wi ende onse nacomelinghe, erflic ende ewelic tot Zutpheensehen rechte. Vort heb wi ont fanghen van onsen here den hertoghe vorgh. tot Zutpheensehen rechte den wert, de geheten is Eotevoet, den ouden mitten nyen, geleghen bouen der arke te Wiic, ende dien wert, de geleghen is bouen Eauenswade ende gebeten is sGreuen weert, mit allen horen toe behoren, alzoe alsi geleghen zun. Ende bekennen ons van desen vorgh. huse, porte ende heerscappen ende goeden onsen here den hertoghe vorgh. ende sinen naco- melinghen te helpen ente doen allen, dat een ghetruwe man sinen here sculdich is te helpen ende te doen. Vort in beteringhe ons leens ende onser porten van Wiic heft ons onse here de hertoghe van Ghelren ende greue van Zutpheen vorgh. ende onsen nacomelinghen gegheuen, dat soe we in seten porter is te Wiic ende daer in wonachtich is, dat hi tolle vri varen zal te Lobede, op vardich ende wt vardich, mit sinen seepen ende mit sinen goede, ewelic ende vmmer- meer, ende dat zulle wi haer Sueder here van Apecoude ende onse naе comelinghe van onsen here den hertoghe vorgh. ende sinen nacomelinghen houden mit anders onsen goede te Zut pheensehen leen. In orkonde des briefs bezeghelt mit onsen zeghel. Ghegheuen int jaer ons Heren dusent dre hondert ende

viertich, des zonnendaghes vor onser Vrouwe dach Assumptio. Het zegel verloren.