Allen den gbenen, die desen brief zoelen sien of horen lesen,

doe je Ian vten Poele, ridder, te weten, dat ic gheloeft

hebbe ende gheloue met goeden trouwen, enen hoghen edelen

man, heren Ian heer van Arkel, scadeloes te houden ende

tontheffen van twee dusent scilden, die hi .met mi ende met

minen borghen gheloeft heeft aen hant Sweders, des borch-

grauen van Montforde; ende so wat cost of scaden hem of

zinen erfnamen daer af coemt of comen mach, dien gheloue ic

hem op te richten ende te ghelden tot sijns selfs waerheyt

of sijnre erfnamen, ghebrake sijns, alle archeyt vutgheset. Jn

orconde des briefs beseghelt met minen zeghel. Ghegheuen

des donredaghes na zunte Ians dach Decollatio jnt iaer ons

Heren M. CCC. neghen ende veertich. Het zegel verloren.