Wij Dyederec, beere van Monioye, van Valkenborgh, van

57

Vorne ende borghgreue van Zelant, doen cont ende kinlec allen lieden, dat wi met onsen vrien ende volcomenen wille hebben vercocht erfeleke in manieren van wetteghen vercoepe vore ons, vore onse oer ende vore onse nacomelinghe Vranken Vranke Clutings sone den yonghen, sinen oer ende sinen nacomelin- ghen al onse goed van Euerne met allen sinen toe behoerten, ghelijc ende in allen den manieren dat wijt daer ligghende hadden ende wijt van onsen lieuen ende gheminden beere, heren Jhanne, bi der gratien Goeds hertoghe van Lothr., van Bra bant, van Lemborgh ende maregreue des Heileghs Eijes, ende onse vorderen v'ormaels oec van hem ende van sinen vorderen plaghen te houdene in rechten leene ten Brabantschen rechte, ende ons dat vorseide goed van Euerne met sinen toe behoer ten toe plach aldaer te behoerne, omme eene sekere somme ghelds van der welkere wij ons van den vorseiden Vranken houden volcomenleke vore wel betaelt ende vergouden in goeden ende welghetelden ghelde, welke goed van Euerne vorghe- noemt met allen sinen toe behoerten wij ouermids de manin- ghe ons heren shertoghen voirghenoemt, manende daer op Willeme den hertoghe van Bruessele sinen man van leene, ende bi wijsdoeme des selfs Willems ende oec met volcomenen gheuolghe der manne van leene ons heren shertoghen vorghe- noemt, die hier ouer waren , dats te wetene, heren Willems van Duuenvoerd heren van Oesterhout, heren Jhans van Wistvliet heeren van Blaersvelt, heren Eobbeerts van Ghe- linden, ridderen, Jhans van Ophem ende Heinrees van Hnrent, op hebben ghedraghen tes vorseids Vranken Clutings bchoef, die daer yeghenwerdegh was, met onsen vrien wille onsen heere den hertoghe vorghenoemt in sine hand. Ende worpen ende verteghen daer na wetteleke ane alle dat vorseide goed van Euerne, sonder eenech recht daer ane te behoudene in nc- gheenen manieren, ende hebben gheloeft ende ghelouen in goe den trouwen vore ons, vore onse oer ende vore onse nacome linghe , dewelke wij also in desen saken op ons nemen ende vervaen, dese vorseide dinghe emmermeer vast ende ghestede

SS

leite te houdene, sonder daer theghen yet te doene, te seg- ghene ochte te ghane namaels bi ons ochte bi yemene anders in negheenen manieren, behoudenleke dien dat de vorseide Vranke alselke lijftocht ende alselken commer, alse vten vor seiden goede sculdech es te ghane, altoes sal moeten ghelden ende betalen. Jn orkenscape van welken diughen wij Dyederijc voreghenoemt hebben onsen seghel doen banghen ane dese lotteren, ende in kinnessen der wacheit. Ende omme de meerre sekerheit van allen desen vorscreuenen dinghen, soe bidden wij onsen lieuen ende gheminden beere den hertoghe vorghenoemt ende sinen vorghenoemden mannen van leene, dat si in orken scape ende in ghetughenessen van allen deseo vorseiden din ghen hare seghele met den onsen seghele hanghen willen ane dese yeghenwerdeghe letteren jn kinnessen der waerheifr. Ende wi Jhan , bi der gratien ons Heren hertoghe van Lothr., van Brabant, van Lemborgh ende maregreue des Heileghs Eijes, ouermids de bede heren Dyederijes, heeren van Monioye, van Valkenborgh, van Vorne ende borghgreuen van Zeland, ons liefs neuen ende mans, want alle dese vorscreuene dinghe bi onsere maninghen daer op ghedaen ende bi wijsdoeme Willems, shertoghen, ons mans vorseid, ende oec bi volcomenen ghevolghe onsere vorghenoemdere man van leene gheseieden vore ons, ghe- lijc dat si met rechte sculdech waren te ghesciene, negheenen poente van rechte achter ghelaten, soe hebben wij dat vorsei de goed van Euerne gheheelleke met allen sinen toe behoerten gegheuen ende verleent den vorseiden Vranken Clutinghe den yonghen, sinen oer ende sinen nacomelinghen, te houdene van ons, van onse oer ende van onsen nacomelinghen emmermeer voert ane in rechten leene, ende hebbenne daer af ontvaen in onsen man van leene, behoudenleke yghelijes rechte, ende hi heeft ons daer af manscap ghedaen, ghelijc dat hi sculdech was te doene, ende hebben onsen seghel met den seghele heren Dyederijes, heeren van Monioye, van Valkenborgh, van Vorne ende borch- greuen van Zeland, ghehanghen ane dese letteren in orkenscape van allen den dinghen, die hier vore sijn bescreuen. Ende

59

wy vorghenoemde manne van leene ons heeren shertoghen vor-

seid, ouermids de bede eens edels mans heren Dyederijes,

heeren van Monioye, van Valkenborgh, van Vorne ende

borghgreuen van Zeland, want alle dese dinghe wel ende met

rechte vore ons gheseieden, ghelijc dat si na vorme van rechte

sculdech waren te ghesciene, negheenen poente van rechte

achter ghelaten in desen vorseiden dinghen, soe hebben wi

onse seghele met den seghelen heren Dyederijes vorghenoemt

ende ons heren shertoghen vorseid ghehanghen ane dese let-

teren in kinnessen der waerheit ende in orkenscape van allen

desen vorscreuenen dinghen. Dit was ghedaen ende gegheuen

te Bruessele, jn sente Pauwels auonde, dien men seeght ter

Conuersien, jnden yare ons Heren dusentegh CCC. XL. ende twee. De 7 of 8 uilhangende zegels verloren.