Wj Guy bi der ghenaden Gоeds biscop tot Vtrecht ma leen cont allen den ghenen, die dezen brief sien zullen jof horen, dat voer ons quam haeren Jan here van Arkle, ende ontfing van ons sulk goed alse hier na ghescreuen staet, dat hi te houdene plach van Janne van Vchten, dat ons an verstor- uen was van dien voerseyden Janne van Vchten, want wire ouer here off waren. Dats te verstaue, den tiende van Arnouds gherechte van Houweninghe, die hem den here van Arkle toe hoert, den tiende van Kadichemmer velt ende van Eiet- uelt, den tiende van Oesterwijker velt, die den voerseyden heer van Arkle toe hoert, ende zeuen marghen tiende vries coerns van den Zile tot Oesterwijc, oestewaert jnt lant dat sheren was van der Leede. Voert soe quam de here van Arkle voernoemt ende makede vrouwen Mabelien zinen wiue met onzer hant dit voerscreuene goed te rechten lijftocht haer leuedaghe, ende dat ontfing die voernoemde vrouwe Mabelie vrouwe van Arkle van ons te lijftochten, alze sede ende ghe- woente es te houdene. Hier ouer waren alse orconden ende des ghestichts manne van Vtrecht, haer Hubrecht van Vianen marscalk in den lande van Vtrecht, haer Hubrecht heren Splinters zone ridders ende Jan van Bosichem knape. Ende om dat wi willen, dat dit bliue vaste, seker ende ghestade, soe hebbe wi deze Iettere bezeghelt met onzen zeghele vte- hanghende. Ghedaen ende ghemaect te Dordrecht, jnt jaer ons Heren dusent dric hondert ende viue, vp sente Nicholaes auonde.

Het zcgcl verloren.

11