Anthonis, bider gracien Gods hertoge van Lothr,, van Bra bant ende van Lymborch, maregreue des Heylichs Eijes, allen den ghenen, die dese letteren selen sien, saluut. Wij doin

110

te wcten, dat wij wt den goeden aenbrengen ons gedain van- der wijsheit ende getruwicheit ons gemynden Claes Shanen, aensiende den getruwen dienst die bi tanderen tiden gedaen heeft onser licuer vrouwen ende moyen, wilen der hertogin- nen van Lucemb. ende van Brabant, dti& God die ziele af hebbe, ende op dat hi sculdich sij oie ons getruwelic te die nen , den seluen Claes gegeuen hebben ende van sunderlinger gracien geuen die somme van twelf rijnschen gulden, sijn leef- dage lane van ons te leen te houden, die wij hem bcwijst hebben ende met desen brieue bewijsen, te heffen alle jair aen onsen rentmeister generail van Brabant te sente Jans misse Baptisten te midzomer, dair af dyerste termijn sijn sal te sente Jans misse naist comende; vanden welken hi ons manscap ge daen heeft, also een man van leen sinen here sculdich is te doen, ende dair af wij hem in onsen man ontfaen hebben: Ontbieden dair om ende benelen ernstelic onsen rentmeister van Brabant voirs., die nu is of namails sijn sal, dat hi voirtaen alle jair den voirs. Claes betale of betalen doe sijn leefdage lane ten termine voirs. die voirs. twelf rijnsche gul den; want wij willen dat hem ouerbrengende yerstwerf alleen vidimus van desen jcgewerdigen brieue onder segel autentike oft copie dair af inder cameren van onser rekeningen, of bi enen van onsen secretarissen geteikent, ende quitancie des voirs. Claes van elken termine of paymente, dat hi hem betailt sal hebben, dat bestaidt werde in sijnre rekeningen ende afgecort van sinen ontfaen bi onsen gemynden ende getruwen luden yan onsen rekeninge voirs., niet wederstaende ennigen ordinan- cien, statuten of geboden dair jcgen wesende. Gegeuen in onser stad van Bruessel IIJ dage in Oighstmaent jnl jair ons Heren dusent CCCC. ende seuen.

Collacie is gedaen van deser copien mit den principalen brieue vier dage in Augusto jnt jair ons Heren M. CCCC. ende seuen bi mi.

De bandteekeniog is afgescheurd.

Ill