Wy Eeynalt, bider genaden Goidtz hertoge van Gulich ende van Gelre ende gíeue van Zutphen, doen kont allen luden ende bekennen vour ons, onse eruen ende nakoemlinge, dat wy schuldich sijn van gerechter wittelicher schoult heren Johan van Herlair, here tot Poderoye, of sijnen eruen, vyerdehalff hondert Gelressche gulden of gelijch payement dair voir in der betalongen, die wy hem geloift hebben ende gelouuen waile te betalen the Kirschmissen neeste komende naе datum des briefs of bynnen den neesten vyertziennachten dar naе onbe- uangen sonder langer vertoch; ende der betalongen the merro sicherheit, so hebben wy hem dair voir te burgen gesat onse lieue reede ende vriende, heren Johan Schelart van Obben- dorpe, onsen houemeister , heren Johan van Wyenhorst, heren Johan van Eossem, heren Heinrich van Apelteren, heren Otten van Haeften, riddere, Ghysbert van Bronchorst, here van Battenburgh ende van Antholt, ende Vde die Boese, knapen, jn der voigen, off wy of onse eruen ende nakomelingen versu- melich of bruchlich wurden des geltz vp den termyn voirs., so soelen die voirs. onse burgen tot irianungen heren Johans, here tot Poderoyen, of sijnre eruen, mallich van hem eynen goeden manne mit tween perden in eyne eirsame herberge bynnen die stat tot Saltbomel of tot Nymegen, wilch sy willent, in leistonge senden, ende in der herbergen soelen sy blyuen lygen liesten, as goede lude te liesten plegen, ende eyn pert naе deme anderen te verliesten ende in te senden as ducke as des noit geboirde, ther tijt thoe dat deme voirs. heren Johanne, here tot Poderoyen, of synen eruen vander sommen geltz vurs. gentsliken ende alle te maile genoich geschiet is, vytgeseget alle arglist. Ende dis te orkonde hebben wy hertoge van Gulich ende van Gelre vurg. onsen siegel an diesen brief doen hangen; ende wy Johan Schelart, Johan van Wyenhorst, Johan van Kossem, Heinrich van

112

Apelteren ende Otte ran Haeften, riddere, ende Ghysbertvan Bronchorst, here tot Battenburgh, ende Vde die Boese, kna- pen voirs., gelouen by onser eren ende in goeden truwen goide gehoirsame burgen te syn ende te blijuen, the henden heren Johans, here van Poderoyen, als voir van ons geschreuen steit, ende hebben onse siegele te getuge der wairheit an diesen brieff gehangen. Gegeuen jnt jair XIIIJ0. ende seuen des dynstaigs naе sente Matheus daige aposteis ende ewangelisten.

De zegels van Wyenhorst, Apelteren, Haeften en Boese behon- den, doch bcschadigd.