Wy burgermeistere, schepenen ind raid der stad Doetinchem, doin kont: Alsoe wy vanden hogebaeren , duirluchtigen for sten ind heren, heren Adolph hertoge van Gelre ind van

147

Gulick ind greue van Zutphen, onssen genedigen lieuen heren , enen brieff myt sijnre genaden anhangeden groten zegell heb- ben, jnhaeldende dusent enckell goldenen Eijnssche guldenen ind iairlicks dair aff to renthen vijffendevijfftich der seluer gulden na vermoegen des seluen vurg. brieffs, soe bekennen wy \>wc- germeistere, schepenen ind raid der stad Doetinchem, voir ons ind onssen akoemelinge, dat wy die dusent Eijnssche guldenen an Peter van Langeuellt, sijnre genaden secretario, den guldenen to twyntich stuuer ind nyet hoger betaellt en hebben, jnd dat Peter van Langeuellt van wegen ons genedigen heren vurs. ons vanden seluen dusent gulden vijffindvijfftich Eijnssche gulden, twyntich stuuer voirden gulden, voir renthen , die оnз op sente Johans dach Decollationis nv neestkoemende dair aff ijrat verschynen sullen, guetliken gehantreyckt ind wall betaellt heefft; ende bekennen mede auermidz desen seluen onssen brieue, dat onsse genedige heer, sijnre genaden eruen ind nakoemelingen, gebreck sijns, ons ind onssen nakoemelingen die dusent Eijnssche guldenen hoifftgeldz ind vijffindvijfftich Eijnssche guldenen jairlixscher renthen, so lange dat duren sall, mit golden paymens, twyntich stuuer voir den gulden, moegen doin betaelen ind vernoegen; ende schelden onssen genedigen lieuen heren Peter van Langeuellt vurg. ind alle die ghene, die des behoeuen, vanden vijffendavijfftich Eijns gulden jair- renthen, die ons op sente Johans dach neestkoemende, as vurg. steet, verschijnen sullen, vrij , loss, ledich, ind qwijt, ind bedancken ons dair aff gueder betaelinge. Ende hebben dees to oirkonde van onsser rechter wetenheit onsser stadz zegell an desen brieff gehangen. Gegeuen jnden jaer ons Heren dusent vijrhondert soeuenendetseestich, opter Heliger Dryer Koenynge auont. Het zegel verloren.