Dit sijn die punten ende vorwarden, die gededinct sijn in Gerarts huys van Boecholt, in den kyrspel van Lotbraet, jnt jaer ons Heren M. CCC. XLIJ des donredaeghs na sunte Peters ende Pouwels dage, tuschen den hertoge van Gelren ende den meregreue van Gulic, alse vanden hywelic hoerre beider kijnder, alse Margareten, des hertogen audste dochter, ende Gerart, des meregreuen audste soen, in tiegenwerdicheit hoerre beider rade, alse, des hertogen, her Jhan, proest van Arnhem, her Jacob here van Myerlaer, her Willem van Broechusen ende her Didderic van Apelteren, ridders, ende, des maregre- uen, her Herman Blanckart, deken tot Aken, her trerard van Eyndelsdorp here van Gripichouen, her Jhan van Vlatten, her Adaem van Ederen ende her Koenen van Putzen.

Jnt ierste, dat die brieue, die op dat hiwelic gemaect sijn ende die si beide ende hoer burgen mede besegelt hebben, in alle hoerre macht bliuen soelen, vytgenomen tgelt van den cope van der stat van Mechlen ende die punten, die hier na bescreuen sijn.

�?о

Voert so soelen Gerard, audste soon des mercgreuen , endo Margarete, audste dochter des hertogen voergen., eer si te samen slapen, (ver)tien alre acnsprake ende vordernisse, die si hebben oft hebben moechten van den cope der stat ende der heerlicheit van (Mecbelen), die dese voergen. heren die hertoge ende die mercgreue gedaen hebben mitten greue van Vlaen- deren, ende dien coep vast ende (stede) banden, dat is te ver- staen, van den goede dat ruert van der kyrcken ende den bisscop van Ludich, gelijc alse die brieue van(den) coep begripen.

Voert want dese voergen. heren dat gelt van den coep ge- boert hebben, soc sal die hertoge van Gelren bewisen sijnre dochter voerscreuen te helfen ende te boeren tsiaers na sinen doede dusent pont penninge, enen auden royael voer éen pont gerekent, of die werde daer voer, alse van dien dat hi van dien coep geboert heeft, ende die dusent pont tsiaers mach die hertoge voergen. oft sine eruen loessen mit tyen dusent ponden des seluen payments, wanneer si willen, mitten reynten.

Voert sal die maregreue van Gulic voerscreuen bewisen erf- like des hertogen dochter voersc. dusent pont tsiaers pay ments voergen. aen goden sekeren reynten, alse van den gelde dat hi den hertoge geloeft hadde ende schuldich was, alse vau den hiwelic, welc die maregreue ende sijn eruen oec loessen moegen mit tyen dusent ponden ende mitten reynten in alre manieren alse voerscreuen is.

Voert die XIJm royale, die die coeninx van Bohem den hertoge schuldich is ende geloeft heeft, die soclen die hertoge ende die maregreue tesamen inmanen ende innen, ende alse hoem die werden, soc soelen si of die gene, die si beide daer toe schicken ende dat beuelen, die beleggen aen goden sekeren renten, daer si wael beleeght sijn, daert hoem beiden goet dunet, in orbaer Margareten voerscreuen ende hoerre eruen.

Voert dese voerscreuen dusent pont tsiaers, die die hertoge van Gclren, ende die dusent pont tsiaers, die die maregreue jaerlix bewisen soclen, alse voerscreuen is, ende die reynten ende gode, die men mitten twclf dusent royalen erigen sal

(il

ende copen, alse. oec voerscreuen is, die soelen erflike bliuen Margarieten voergen. ende hoeren eruen, ende dese dusent pont tsiaers, die die marcgreue bewisen sal , die sal hi be- wisen, ecr dat dese kijndere te samen slapen soelen.

Voert eist gevorwaert ende gededinght, alse dese dispensatie vercregen is in den houe van Romen, dat dese kijndere te witteliken hiwelike vergaderen moegen, soe sal die marcgreue van Gulic , eer si tsamen slapen, bescreuen seinden den her- 1 toge van Gelren, mit tween van sinen rade, die borch, heer- scap ende tlant van Heymbach mit allen sinen toebehoeren, ende die reynten sunderlinge bescreuen tot allen steden, hoe ende soe waer die gelegen sijn , ende die weerde daer af, ende alse die hiwelike wittelic volvuert is ende die kijnder te samen geslapen hebben, soe sal die hertoge van Gelren sinen raet schicken ende seinden bi den marcgreue van Gulic, ende sinen raet te besiene, oft die bewisinge gnoech si ende voldaen tot vier dusent ponden toe tsiaers bouen die borch, heerlicheit ende tlant voerscreuen; ende weert sake, dat aen dien vier dusent ponden tsiaers yet ombreke, dat si niet vol bewijst en weren aen sekeren reinten, dat gebreec sal die meregreue van Gulic binnen tween maenden na den beslaep bewisen aen goeden sekeren renten in alre manieren, alse die voer screuen hiwelichs brieue begripen, die daer op gemaeet sijn, ende in desen vier dusent ponden tsiaers, borch , lant ende heerlichede sal die meregreue voergen. Gerard sinen soen ende Margareten sinen wiue binnen desen tween maenden voerscre uen , na dien dat si te samen geslapen hebben, eruen, stedi- gen, vesten ende indoen, also dat thoem mitten lantrechte vast ende stede si, sonder argelist.

Voert alse dese hiwelic al volvuert is ende die bewisinge voldaen, alse voerscreuen is, soe soelen die hertoge ende die marcgreue alle hoer brieue, die si hebben van desen hiwelic ende die dit hiwelic rueren, te samen brengen, ende die brieue die mitten hiwelic ge- quijt ende gedoet sijn, die mallic heeft, sal deene den anderen ouergeuen, sonder den principad brief van den hywelic voerscreuen.

C2

Voert dese punten ende vorwarden voerscr. hebben die her-

toge ende maregreue voerg. geloeft ende gesekert mallic den

anderen in goden trouwen vast ende stede te hauden ende te

voluaren sonder argelist.

De beide aan de linkerzijde van bet parkement opgedrukte zegels zijn verloren gegaan.