terug ontvangen. 1290. Jpril 26. Wi Florens grave van Hollant maken cont alle den ghenen die dese lettren sullen sien of horen, dat haer Hartberen van Haestrecht riddere onse ghetrouwe man ons vrielike ende te vrien eignen op hevet ghegheven siin huus tote Haestrecht metten hofcampe ende met anders den lande, datier omino leghet, te viiftich morghen toe; ende dat wi hem dat huus ende dat lant weder hebben ghegheven van ons ende van onsen

nacomelinghen, die graven siin van Hollant, te hovdene te rechten erflene, also dat dit huus ende dit lant op ons nochte op onse nacomelinghen niet comen ne mach, also langhe alse daer iment levet diere maech to es van vollen gheboerte. Ende dat huus sal onse open huus siin ende onser nacomelinghen op ende af te ridene, so wanere dat wiis behoven ende be- gheren ende onse nacomelinghe. Jn orconde van desen brieve beseghelt met onsen seghele. Ghegheven in ons Heren iare dusent tvehondert ende neghentich iaer, des woensdaghes na sente Marcus daghe, in den Haghe. llct zegel verloren.