Jch Stcuen van Lyenden, knape, als mombur der kijndere mijns lieuen braeders heren Johans, heren van Lyenden was , den God genedich sij, ende oick mijnre lieucr geminder suster kijndere, vrouwe Margarieten, der vrouwen van Lyenden, doe kont ende kenlich allen luden , dat ich gesekert ende gelaeft hebbe, seker ende gelaeue in goiden trouwen voer my ende mijn eruen, dat ich mijnen lieuen genedigen here, heren Wil lem van Gulich, hertoge van Gelre ende greue van Zutphen, of sijnen eruen, of heren Heinrich van Steynbergen, proist tot Zutphen, sijnen rentemeister, of helder des briefs mit mijn3 lieuen heren wille voirs. of sijnre eruen of mit wille des proiste voirg., alle jaer op sente Peters dach ad Cathedram vytreycken ende wale betalen sal vander kijndere goet voers. hondert aude schilde, guet van goude ende gherecht van gewichte, munten des keysers van Eomen of des coninx van Vrancrijch , of guet ander payment daer voer, na beloip der werde , dat op allen termijnen der betalingen jnder stat van Nymegen genge ende geue wesen sal, thent der tijt toe dat heren Johans audste soen des heren van Lyenden voirs. tot sijnen mündigen dagen ko men is , aengaende dese hondert aude schilde voirs. aldus jaerlix te betalen van nu endo sente Peters daghe ad Cathedram naest- komende ouer een jaer. Weert sake, dat ich Steuen voirg. des ghelds voers. alle jaer niet wale ende volcomelike en betaelden mijnen lieuen here van Gclre of sijnen eruen of den proist of

89

helder des briefs voers., ende ichop enigentermijnderbetalinge des voirs. gelde in dele of in alle verbrekelic wurde, so soilen mijn lieue here van Gelre of sijn eruen of die proest of helder des briefs voers. mogen penden ende doen penden alle jaer ende opden termijn voirs. aen allen den guede ende erfnisse, dat des heren kijndere van Lyenden ende der vrouwen kijndere van Lyenden liggende hebben in Neder-Betuwe, als voer die hondert aude schilde voirs.;: ende dese pendinge voirs. salmen mogen doen te richts des anderen dages na illiken termijn voirs., als dat gelt voirg. nyet betaelt en würde, in alle der maten so men des hertogen schout van Gelre ende sijn pachte ende thinse vyt pleecht te penden; ende dat guet ende erfnisse soilen sij te richts mede mogen verkopen voer alle, dat hem dan vanden hondert auden Schilden voirs. jaerlix gebrekelic were, sonder enich wederseggen van my Steuen voirg. of der kijndere, maege ende vriende voirs., ende sonder alle arghelist. Jn orkonde des hebbe ich Steuen voirg. als mombur der kijndere voirs. mijn segel van mijnre rechter wetentheit aen desen brief gehangen. Gegeuen inden jaer onss Heren dusent driehondert een ende tachtentich, des naesten dinxdages na andach Pinxten. Het zegel verloren.