Gerrit van Ileemskerk, die voornemens is te vertrekken naar de koningin van Denemarken, en scheldt hem alle vroegere breuken en rnisdrijven kwijt. 1404. < Nov. 14. Aelbrecht, bi Goids ghenaden palensgraue vpten Eijn, hertoghe in Beyeren, graue van Heneg., van Hollant, van Zeelant ende beer van Vrieslant, doen cond allen luden , dat onse ghetrouwe beer Gherijt van Heemskerke vp desen tijt meyninghe ende wille heeft te trecken bi onser lieuer vrouwen ende nichten der conincghinnen van Denemerken; ende want hi him seluen ende sinen erfnamen tieghens ons ende onsen nacomelinghen ymmerwail quiten wil, soe heeft hi, ouermids v/es him weder- uaren niocht in sijnre reysen, ons rekeninghe ghedaen van al sulken ghelde ende allen anderen goiden, als hi voir desen tijt tot desen daghe van onser wegen ontfaen of opghebuert mach hebben; ende schelden voir ons ende onsen nacomelin ghen him ende sinen nacomelinghen clairliken dair of quijt. Oic mede so hebben wij heren Gherijt voirscr. quijtgescouden ende schelden quijt mit desen brieue voir ons ende onsen na comelinghen van allen alsulken brueken ende misdaden, als hi tiegen ons ende onser heerlicheit voir desen tijt tot desen daghe toe ghebruect ende misdaen mach hebben. Ende hier voir hebben wij ontfanghen in ons selfs hant van heren Gherijt voirscr. alsoe vele datter ons wail mede ghenuecht ende des wail te vreden sijn, ende schelden him dair of quijt mit desen brieue, beseghelt mit onsen seghele. Ghegeuen jnden Hage vpten viertienden dach in Nouembrj jnt jaer ons Heren dusent vierhondert ende vier.

Het zegel benoudea, doch eenigzins beschadige!.