aan Moris van Borselen eenig land in Maartensdijk. 139 *. Oct. 2. Allen den ghenen, die desen brief zullen zien of horen lesen, wij gardiaen, lesmeester ende ghemeene conuent vander Min- derbroeder oerden in Middelburgh, maken cond ende kenlic , dat wij vercocht hebben heeren Floreys van Borselen, riddêr, beer van zinte Maertins dije, vier ghemeten lands, die ons Jan Fyen sone beset ende ghegheuen heeft vor hem zeluen ende vor Zoeten Andries Yden sons dochter, zijn wijf was, hare memorie eewelic mede te doene in onsen clooster vorsc.; welc vorseide land gheleghen is in zinte Martins dije noert of vander capellen binnen desen vieren lant ghemerken, die heerwech andie oestzide, Oetgheer Dierix sone andie zuudzide, een zoetwech andie westzide ende Jacop Sijs andie nordzide; van welken lande heer Floreys vorsc. ons wel voldaen ende albetaelt heeft, beide den eersten penninc ende den lesten. Jn kennissen der waerheiden so hebbic gaerdiaen vorscr. met consente des ghe- meens convents desen brief beseghelt met miins ambochts ze- ghele. Dit was ghedaen int iaer ons Heeren M°.CCC°. viere ende tneghentich, vpten anderen dach in October. Het zegel verloren.