Philips, bider gracien Gods hertoge van Lothr., van Bra bant ende van Limb., marcgreue sHeilichs Eijcx, greue van Liney ende van Saint Poul, doen cont allen luden: Also wj den vrienden onser Heuer moyen vrouwen Elisabeth, hertoginnen jn Beyeren ende to Luccemb., greuinnen van Tzinj ende vrouwen van Voirne ende van Arkel, dien sij be- uelende wordt, hoer brieue, die sij behoeft op hoeren dach- uarden, ende andere van hoeren stucken, die sij pleeght te besigen, jn onsen lande van Brabant te brengen, tot twelff personen toe of dair onder, die onse vyande noch ballinge onser landen niet en sijn, mit hoeren goede ende hauen, guet, vry, vast ende seker geleyde hebben gegeuen, veylich ende onbelet van enigen saken te comen, te wesen ende te thûeuen

138

mitten seinen brieuen ouer all jnden onsen ende weder dair mede dair vyt te scheiden, te water ende te lande, gewapent of ongewapent, dat gedueren sal tot saterdach toe naist co- mende ende dien dach al: so hebben wj > om seker redenen wille ons dair toe beruerende, hen tvoirg. onse geleyde also ende in al der seluer vuegen verlengt ende verlengen mit desen brieue, totten getale van personen toe voirs. of dair onder ende ooe mit also vele perden, eenen termijn duerende van saterdage naist comende ouer vier weken, allen argelist ende nuwe vonde vytgescheiden. Ontbieden dair om ende beuelen allen onsen ampt luden , dieneren, officiers ende onderseten , ende voirt allen den ghenen, die des aengaen mach ende om onsen wille doin ende laten willen, ende elken besunder, dat sij hen mit den brieuen ende den hoeren voirs. also lange ende den voirg. tijt duerende ons voirs. geleyds rastelic ende vredelic jnder vuegen ende manieren voirs. laten ende doin gebruken, sonder hen of enigen van hen dair jegen yet te letten off te laten misdoen in enigerwijs, want wj dat vmmer also gedaen willen hebben. Gegeuen in onser stat van Bruessel, des goensdaighs sess dage in Augusto, jnt jair ons Heren dusent vierhondert seuen ende twintich.

Bij minen here den hertoge, dair bi waeren van sinen rade die jonch. van Nassow, Henrick van Rotselair, ght. Jan, heere tot Boutershem, ende Jan van Woude.

Het zegel verloren. Fe. de Dumo.