Wij Jan here van Ghistle ende van Harues, regent van

ill

Viaendren, kennen ende lyen, dat onse lieue gheminde neue Jan van Erkle, here tot Haghenstein, tot Perpont ende des lands van Mechline, bi ons commen es te Mechline ende heift ons ghelooft bi zire trau we, eere ende zekerheit, dat van allen mesdaden, die hij mesdaen heift jeigen onsen ghenedeghen here den hertogen van Bourgne., graue van Viaendren, van Artoys ende van Bourgne., palatin, here van Salines, graue van Rethers ende here van Mechline, ab vanden bosse ende houte, dat hij heift ghedaen hauwen, staende tot Heyst, des zo es hij ghekeert ende bleuen ten zegghene van onsen ghenedegen here vors., ende heift gheloofd tvors. hout, dat hij heift ghedaen hauwen of noch staende es, nict te rоeme of te laten rоerne vander stede vor ander stont, dat het ghesleten wert van onsen ghe nedegen here vors., ende hebben hem toe gheseit ende maken ons mechtich van ons ghenedichs heren weghe vors., dat hij hem niet af zegghen zal zijn lijf of eerfachticheit, daer hij recht an heift. Jn oorconden des zo hebben wij onsen zegle hieran ghehanghen. Ghedaen te Mechline den XIIJten dach in Octobr. jnt jaer M.CCC. viue ende tachtentich. Het zeghel verloren.