Wi Jan here van Egmonde, Dire van Brederode, Symon van Teylinghe ende Dire van Mattenesse, ridderen, ende Gher. Alewijns zone, gheset van ons heren sgrauen weghen van Holl. te Hilleghim, maken cond allen luden, want her Aernd van Yselsteyne, op diene zide, ende Jacob Nannigs soens wijf ende kinder, op dander zide, van sulken ghebreke, als si onderlinghe hebben, ane ons ghebleuen sijn , elke zide op ene pene van hondert pond HoU. tot ons" heren sgrauen behoef, onse zegghen te houden, wair of wi mit goeden voir- siene onse zegghen vten. Jn den eersten js onse zegghen, dat her Aernd van Yselsteyne gheuen sal Ermegairden, Jacob Nannigs soens wedewe, een ende tseuentich pond Tor. tot sinte Pieters daghe jn den lenten naisteomende. Voirt sel hi gheuen Jacob Jacob Nannigs zons zone, tot den termine voirscr., enen henxste der wairdich js twischen vier ende twintich pont Tor. ende twe pond groten, ten ware dat hem her Airnoud beter gheuen wilde. Vort sel her Aernd voirs. quite scelden Ermegairt, Jacob Nannigs sons wedewe, Jacob Nannigghe, Pieter ende Clayse, hore kinder, Lambrecht Salme, hoir doch ter man , ende anders al hore kinder, van alre richte scout ende borchtochte, die si an heren Aernds hand voirs. gheloeft ende beset hadden mit borghen of mit enigherande rekeninghe, die her Aernd op him proeuen mochte of yemant van heren Aernde weghen tote desen daghe toe, zonder enigherande archeyt. Vort js onse zegghen, dat her Aernd voirser. van deser tijt voirt hoir alre vriend voirscr. wesen sal, ten ware dat sijs namaels jcghens heren Aernde verboirden. Jn orconde

63

desen brieue bezeghelt mit onsen zeghelen. Ghegheuen tote

Hilleghim, des manendaghes na sinte Victoers dach jnt jair

ons Heren M°. CGC°. drie ende viertich.

De uithangende zegels van Simon van Teilingen en Dirk van Ma- tenesse bewaard gebleren.