Elizabeth van Goirlitz, bijder genaden Goits palensgrauynne by Eijn, hertoginne jn Beyeren ende van Lutcemburg, grauynne van Chiny, vrouwe van Voirne ende van Arkel, doen cont allen luden: Want wij op dese tijt een stucke tijts vutlandich moeten sijn, so hebben wij om getruwer neirsticheit, die wij beuonden hebben ende kennen jn onsen getruwen heren Vrancken van Borsselen, here tot Zulen ende tsinte Martijus dijck , den seluen gemaeckt ende maken mit desen brieue ruwairt van onsen lande van Voirne, die te regieren, te be- hoeden, te bewaren ende te bedrijuen van onser wegen naе

135

allen sijuen besten vermogen tot onser ende ons lantz van Voirne eren, oirbaer ende profijte, als een goet getruwe dyenre ende ruwairt sculdich js. Ontbieden dair omme ende beuelen v, onser getruwer stede vanden Briele, ende voirt allen onsen dyeneren .ende ondersaten ons lantz van Voirne ende enygelij- ken bijsonder, dat ghij den seluen onsen ruwairt stareken , gehorich ende bijstandich sijn jn allen onsen saken, als ghij off enich van v des van hem vermaent ende versocht suit worden; ende wert, dat yemont dair ouerhorich jnne vyele , dat wouden wij an hem houden ende verbalen, als an den ghene die ons van onser heerlicheit vermyuderen ende vanden onsen vervreemden woude; ende dit sal gedueren tot onsen wederseggen. Jn orconde desen seluen brieue, besegelt mit onsen segele. Gegeuen jn onser stede vanden Briele op sinte Martijns dach jnt jair ons Heren m. cccc. vijfendelwintich. Het zegel verloren.