Phillips, bijder gracien Goids hertoge van Bourgon., van Lothr., van Brabant ende van Limburch, graue van Viaenderen, van Artois, van Bourgon., palatijn van Heneg., van Hollant, van Zeelant ende van Namen, maregraue des Heiligen Eijcx, heer van Vrieslant, van Salins ende van Mechelen, doen cond allen luyden: Also die ridderseip , edele ende goede steden van (Codex, 2J« Serie, l««Deel, 1"• Afd.). 10

146

onsen landen van Hollant ende Vrieslant ons hebben doen thonen, hoe wij bij in aduertencien off anders tot begeren ende veruolgen van partijcn hier voirtijts gegeuen ende verleent hebben brieu'e ende mandamenten contrary ende tegen den rech ten , preuilegien ende vrijheden van onser voirs. landen ende

goede steden horen hinder ende achterdeel ende vercor-

tinge, ons oitmodelic biddende dair vp te willen versien, so

onser voirs. landen ende goede steden blijuen ende onderhouden wesende in horen voirs. rechten, preuilegien ende vriheden, geordineert hebben ende ordineeren mit desen onsen brieue,

dat, oft geboerde dat hier bij ons enige brieuen off

mandamenten gegeuen worden, contrari of tegen den voirs. rechten, preuilegien ende vriheden, die gene van onser voirs. landen off steden, die zij aengaen souden, sellen dat te ken nen geuen onsen getruwen stedehouder ende rade der seluer onser landen, omme dair jnne te voirsien, alsoe van reden behoeren sal; ende bij alsoe, dat onse voirs. stedehouder ende rade dair jnne niet en versagen, soe gelouen wij dan den seluen onsen landen ende steden, ist, dat zij comen bij ons off onsen groiten raidt, dair van alsoe te versien, dat onse voira, landen ende steden in horen voirs. rechten, preuilegien ende vrijheden niet vereort en sullen werden. Des te getuige hebben wij onsen zegel hier aen doen hangen. Gegeuen in onse stede van Denremonde, vpden elfsten dach jn Junio, jnt jair ons Heren duisent vierhondert twe ende vijftich. Aldus geteykent bij mijnen heer den hertoge: A delaPoerte, sigillata de expresso mandato domini J. de Molesmes.