Jan, bider gracien Gots hertoge van Lothr., van Brabant ende van Lymborch, meregreue des Heilichs Eijes, greue van Henegouwe, van Hollant, van Zelant ende heer van Vries- lant, doen cont allen luden: Want geschil ende twidracht in voirleden tijden opgeresen ende gestanden heeft tusschen onsen getruwen rait Janne van Glymes, heer van Bergen opten Zoem ende Grymbergen ende van Melijn, ende der stad van

125

Bergen ende hoeren hulperen, op deen zijde, ende onsen ge- truwen ridder heren Vrancke van Borsselen, sinen magen, vrienden ende hoeren hulperen op dander zijde, enen tijt duerende, welc geschil ende twidracht beyde partien voirge- noempt om onser liefden wille ende onsen (getrouwe raden in) presencien onser ende den gedeputeerden van onsen getruwen steden, als Loeuen, Bruessel ende Antwerpen, geheel, alinge ende

al ge sijn, die sij dair off mynlic hebben onder zoent

ende verlijct, so hebben wij dair om den voirs. heren Vran- cken van Borssel, siine magen, vrienden ende horen hulperen voirg., ende voirt alle den ghenen , die wij oft yemant van onser wegen vandeu voirs. gescille ende twidracht betichtigen mogen, in presencien van onsen getruwen raide ende den ge deputeerden van onsen goeden steden voirg., alsulke brue- ken ende misdaden, als sij daer aen tegen ons ende onser heerlicheit oft yemant van onser wegen gebruect off misdaen mogen hebben enigerwijs, vergeûen ende quijt geschouden heb ben , vergeuen ende quijtschelden met desen onsen jcgenwordigen brieue, ende willen, dat sij dair aff quyt ende ongehouden bliuen sonder argelist. Jn orkonden des briefs , dair wij on sen segel aen hebben doen hangen. Gegeuen in onser stad van Antwerpen des sonnendaighs, als men singet Letare Je- rhusalem, jnt jaer ons Heren m. vierhondert ende negen- thien, na costume des hoofs van Camerijck. Het zegel verloren.