Maximiliaen ende Marie, bijder gracie Gods hertogen van Oistrijck, van Bourg8», van Lothr., van Brabant, van Limb., van Lufsemb. ende van Ghelre, grauen van Vlaenderen, van Artois, van Bourgen, palatijnen van Henegouwe, van Hollant, van Zeelant, van Namen ende van Zutphen , marckgrauen des Heilics Eijcx, beeren van Vrieslant, van Salins ende van Mechlen, onsen lieuen ende getrauwen den gecommitteerden of te committeerne, te jnuentorierne ende jn onsen banden te stellene alle de goeden , toebehorende onse vianden ende rebelle onderzaten onser landen ende hertoogdom van Gelre ende graefscap van Zutphen, ende allen anderen onsen rechteren, officieren ende amptluyden, wient angaen zal mogen, saluut. Wij doen v te wetene, dat omme de goede ende getrauwe diensten, die pnse lieue ende getrauwe neue, raedt, camerlinck ende cappitain onser stadt van Venloo, heer Frederick van Egmond, heer van IJselstain, hier voortijts gedaen heeft on sen lieuen beere ende vader, zalegher gedachten, jn zijnen reysen, wapeningen ende oorlogen ende anderssins jn diuersschen manie ren , ende zint den zeluen ouerlidene on s mit grooter aerbeit ende diligencie tzijnen grooten ende zwaren costen doet dage- licx, ende hopen dat hij noch doen zal van meer te meer, den zeluen heer van IJselstain, ouermerckende de zaken vorscreuen ende om hem eenichsins te recompenserne vanden zijnen vors. diensten, costen ende lasten, hebben gegeuen ende gegunt ende bij dezen onsen brieuen geuen ende gunnen dat huuys ende

165

hoof te Caelbeck jn dezen onsen lande van Ghelre, mit allen den renten , t hienden , pachten ende visscherien , als daertoe behorende sijn ende heer Eeynar van Broechuysen dairaf te gebruycken plach, ons toegekommen ende versehenen bij ver- beurte ende confiscatie, mids dat de vorn, heer Eeynar, wien tvors. huuys mit zijnen toebehoorten vorscreuen plach toe te behoren , ons openbaer viandt ende rebel ondersaet js, omme bijden vorn, heer van IJsselstain vanden vors. huuse te be- settene, thebbene ende te gebruyckene, mitgaders zijn eruen ende nakommelingen, nv ende teeuwegen dagen, als heur propre ende eyghe goedt; so eist, dat wij v ontbieden ende beuelen ende eenen yegelicken van v, euenuerre dat him dat angaen mach , dat achteruolgende dezer onser gifte stelt of doet stellen den vors. beere Frederick van Egmond onsen neue jnde pos- sessie vanden vors. huuyse te Calbeck ende van dien, mitga ders vanden renten, thienden , pachten ende visscherien daer toe behorende, doet, laet ende gedoghe den zeluen heer Frederick vullcommelicken gebruycken ende besitten, sonder hem te doene of te laten geschien eenich letsel oft wederstoot ter contraríen, ende mids ouerbrengende voir eene ende deerste reyse vidimus of copie authentijeque van dezen , mitgaders oick behoirlicker brieue, bijden welken deughdelicken blijeke , dat de vors. heer Frederick van Egmond onse neue heeft ge- bruyck van dezer onser vors. ghifte; wij zullen v daeraf quijt houden ende doen ontlasten bijden ghenen, daer ende also dat behoeren zal, sonder eenigher dimculteyt, want onze ge tiefte zulk es. Gegeuen jn onse stad van Arnhem, den x. dach van Augusto, jnt jaer ons Heeren duusent vierhondert een ende tachtentich.

Bij mijnen beere den hertoge.

Get. Decomme. llet zegel verloren.