Aelbrecht, bi Gods ghenaden palensgraue vpten Eijn, bertoge jn Beyeren, ruwert van Henegouwen, van Hollant, van Zeelant ende van Vrieslant, doen cond allen luden, dat wi beuolen hebben ende beuelen, machtich ghemaect hebben ende maken onsen lieuen ende ghetrouwen heren Florens van Borssele , here van sinte Mertijns dike, onse stedehouder, be ware ende toe zienre te wesen van ons liefs broeders landen van Zeelant, ende gheuen hem macht onsen raet, steden ende

60

goeden luden van ons broeders lande ende des onsen te samen

te ombieden of te ghebieden, alsoe dicke alst hem nutte dunc-

ken sal, ende daer mede te wederstane ende neder te legghen

alle discorde, twye, orloghe of enigherande roere, die onsen

lande van binnen of van buten vp comen moghen, broken, die

jnden lande staen te berechten, die partien daerof te vereffenen

ende onse broken daerof te groten, als hem onse oerbaer

duncken sal; mar lantwinninghe, die nv ter tijt vorvluchtich

of verwijst sijn, houden wi an ons seluen; ende soe wanneer

onse lieue ende ghetrouwe vors. jn onsen oerbaer te rade riden

of varen sal, soe zullen wi hem gheuen alsulke wedden als

onse rade te hebben pleghen; mar waer dat enighe sonderlinghe

onlede jnden lande of buten of enighe onruste gheuielen, daer

of zullen wi hem gheuen redelike teringhe na dien dat daer

toe behoerdt. Ende ombieden, bidden ende ghebieden allen

onsen goeden luden, ridderen, steden ende ghemeenten, dat

zi onsen stede houder vors. hulpich, bistandich, ghehenghich

ende ghehorich sijn tot allen tiden als zijs van hem vermaent

worden; die des niet en dede, dat souden wi an hem houden

als anden ghenen, die onse achterdeel ende verderffenesse

meynde; ende dit sal gheduren tot onsen weder segghen. Jn

orconde desen brieue bezeghelt met onsen zeghel. Ghegheuen

jnden Haghe des saterdages vp sinte Bertelmeus auond jnt

jaer ons Heren M. CCC. viue en tsestich.

Jussu domini ducis Alberti presentibus dominis de Brederode

de Egmonde ba. Fr. de Bersele et G. de Heemstede, T. Vopp. Het zegel verloren.