Johan, bij der genaden Goids palensgreue vpten Rijn, hertoge jn Beyeren, soon van Heneg., van Hollant, van Zeelant etc., doen cond allen luden: Want onse stede van Hoirne van onsen lieuen broeder hertoge Willem, saliger ge dachten , vryheiden buten der stede vercregen hebben, na jnhout der brieue ende hantuesten, die sij dair af hebben, jn welker voirs. vriheide sess huse op Scaerdam staen, die sij mit gûnsten ende mit moetwille ouergegeuen ende gegonnen hebben onsen lieuen ende getruwen trezorier, heien Gerijt van Heemskerc, here van Oisthusen, soe bekennen wij mit desen brieue voir ons ende onse eruen ende nacoinelingen, dat der stede brieue ende hantuesten van Hoirne voirscr., die sij van hoerre vryheit voirs. hebben, bij den ouergeuen voirsr. nyet ge- menckt noch geargert en sijn, mer jn hoere macht sijn ende blijuen sonder argelist. Jn oirconde desen brieue, bezegelt mit onsen zegele. Gegeuen ter Goude, vijuc ende twyntich

127

dago jn Februario, jnt jair onss Heren dusent vierhondert ende twyntich, na den loop van onsen houe. Hel zegel in rood was, geschonden.