1150 Inclito triumphatori domino suo C(onrado) Dei gratia glo- Aug' rioso Romanorum imperatori augusto frater W(ibaldus) eadem gratia id quod est in aecclesia catholica, salutem in eo, qui dat salutem regibus1.

Venit ad nos Corbeiam capellanus vester Heripertus cum vestrae dignationis litteris', quae hoc continebant, quatinus in nativitate sanctae Mariae* Nureberch ad vestrae celsitudinis presentiam veniremus ita expediti et parati, ut cum cancellario vestro* legationem vestram ad domnum papam et ad Urbem perferremus. Et licet nos multas iniurias et gravia damna non solum toto preterito anno set etiam ad presens in contu- meliam regni et nostram sustineremus, tamen iussionibus vestris tam ex debito quam ex devotione obtemperare studuimus. Et in Aug.9 vigilia beati Laurentii de Corbeiensi monasterio egressi, magnis itineribus versus Stabulensem aecclesiam tetendimus, quae multis rapinis incendiis et aliis vexationibus conquassata et attrita erat propter dissensionem, quae fuit inter Leodiensem episcopum5 et advocatum ecclesiae nostrae" et comitem7 de Monte Acuto. Ve-

1. Ps. 143, 10. 2. V. ep. 276 supra p. 402. 3. Sept. 8. 4. Arnoldo. 5. Heinricum II. 6. Henricum de Rupe. 7. Godefridum.

WIBALDI EPI8T0LA 279. 407

nientes itaque Coloniam ad venerabilem cancellarium vestrum, 1150 multa familiariter ac diligenter contulimus de oportunitate itine- "* ris nostri, de utilitate legationis nostrae; et non videbatur nobis pro parvitate nostri ingenii, quod iuxta qualitatem huius tem- poris et rerum vestrarum statum hoc tempore hanc legationem fieri oporteret, maxime cum incertum sit, quidnam rerum comes Alexander de Gravina1 ab imperatore Grecorum referat. In ea igitur seria collatione cum, quid melius inter omnia esset, eli- gere temptaremus, audivimus a vestro cancellario, quod vestrae voluntatis esset, ut nostris propriis sumptibus vobis in hoc iti- nere serviremus. Verum, clementissime imperator, bene novit vestra serenissima maiestas, quod a principio imperii vestri pu- blicis laboribus vestris nunquam defuimus, set tam in persona quam in substantia vobiscum semper, et pro vobis absque vobis frequenter, non sine gravi expensa militavimus; quod etiam nunc facere desideraremus, si tenuitas rerum nostrarum ullo modo pateretur. Sed cum in partibus Saxoniae per totum fere annum grandes expensas propter nostrorum dissensionem et rapinas Tiderici de Rikelinga fecerimus, nullo modo, iuxta nominis ve- stri excellentiam et huius legationis pondus, officium hoc arri- pere potuimus. Non itaque indignetur bonitas vestra nobis humilibus famulis vestris, semper et ubique ad servitium vestrum paratis, si hoc modo non implemus, quod implere nequaquam sufficimus. Set cum vel solus cancellarius vel cum eo Constan- tiensis* vel Basiliensis" vel Lausennensis* hac legatione possint apte fungi, nos bona venia quiescere et suscepta damna resar- cire permittatis. Nam apud Corbeiam de verbo sumptuum iti- neris, a nobismet ipsis in hac legatione exhibendorum, nec per litteras vestras nec per nuncium aliquid intelleximus.

De Mindensi episcopo" suppliciter exoramus, ut ei gratiam vestram concedatis.

1. V. ep. 243 supra p. 365. 2. Hermannus ep. 3. Ortliebus ep. 4. Amadeus ep. 5. Heinrico.

408 WD3ALDI EPISTOLAE 280. 281.