Reverendo in Christo patri et domino W(ibaldo) Corbeiensi 1151 abbati frater H(einricus) prior et conventus Corbeiensis ecclesiae devotas orationes et debitam obedientiam.

Sicut in litteris vestris universitati nostrae iniunxeratis, ut cum preposito nostro conveniremus, ut absque defectu nostra nobis amministraret, facere studuimus; set nichil promovere po- tuimus, ipso defectum suum pretendente et nobis, ut necessaria ministraret, insistentibus. Denique inter eum et nos usque eo res processit post multas denunciationes, quibus defuturum nobis panem et potum denunciavit, quod tandem in diebus rogationum1 et in ipsa sancta die ascensionis Domini* nos absque potu di- misit; et statim sequenti proximo sabbato* absque pane simul et potu, quod nunquam Corbeiae factum credimus, nos dereli- quit. Cum ergo ipsa die, sedentes ad mensam secundum or- 1. Mai. 14-16. 2. Mai. 17. 3. Mai. 19.

460 WIBALDI EPISTOLAE 329. 330.

1151 dinem et consuetudinem nostram, consuetam alimoniam expecta- remus nec ab eo quicquam acciperemus, inpasti surreximus, et Deum secundum ordinem nostrum, euntes ad ecclesiam, cum psalmo benediximus. Statim igitur in unum congregati, quid facto opus esset, in commune consuluimus et, ut vestrae pater- nitati hanc necessitatem celeriter insinuaremus, inter nos con- venimus. Interim autem fratri A(delberto) camerario nostro, licet invito et multum renitenti, hanc curam iniunximus, ut, donec redeat nuncius noster a vobis, panem et potum, undecum- que possit mutuo acceptum, nobis provideat. Et argentum, quod ad sarcophagum hoc anno deputaveramus, in pignore accepit . Quoniam itaque imminentem nobis necessitatem videtis, obsecra- mus dilectam nobis paternitatem vestram, ut quantotius reditum vestrum ad nos acceleretis, ut de instanti periculo nos et aeccle- siam eripiatis, quod sine presentia vestra evadere non possumus.