Monumenta Corbeiensia, Nr. 414, S. 584
1154 Inclito triumphatori et glorioso domino suo Manueli, fideli in Christo regi, Porphirogenito, suhlimi, forti, excelso augusto et inperatori Romeon, o Comninos", Wiboldus Dei gratia abbas venerabilium monasteriorum, scilicet Corbeiae et Stabulaus, fideles orationes et devotum servitium.
Sanctissimi inperii vestri affatus1, quos per prudentissimos apocrisiarios vestros vestra nobis celsitudo transmittere dignata est, quasi quoddam munus celeste suscepimus. Et tam pro in- columitate gloriosae personae vestrae quam pro tocius sanctissimi inperii vestri prospero statu et fortitudine humiles preces ad Dei clementiam cum aggregatis in Christo nobiscum fratribus effun- dere non cessamus. Porro de amicicia et fide inter dominum meum prenobilissimum Frithericum Romanorum inperatorem augustum et sanctum inperium vestrum firmanda pro facultate nostra diligentem operam impendimus; et, ut secundum datamb a Deo sapientiam voluntati dilectissimi fratris vestri, quam per legatos suos maiestati vestrae insinuat, assensum prebeatis, plu- rimum desideramus. Rex regum et dominus dominantium ad honorem et gloriam suam vitam vestram et quietem ab hostibus conservare in longa tempora dignetur.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}