Monumenta Corbeiensia, Nr. 71, S. 167
beiensibus monachis salutem et apostolicam benedictionem.
Memores sumus, quod per alia vobis scripta mandavimus, ut dilecto filio nostro Wibaldo tanquam abbati vestro humilitate debita pareretis. Quem utique, nuper ad nos venientem, pa- terna benignitate recepimus, et in his, quae ad reparandam in monasterio vestro religionem pertinent atque servandam, dili- genti eum studio commonuimus. Ipsum itaque ad vos cum gratia sedis apostolicae et nostrarum litterarum prosecutionibus remittentes, universitati vestrae mandamus monemus et exhor- tamur in Domino, quatinus eum tanquam boni et humiles filii" diligatis et honoretis, atque ut pastori vestro condignam ei re- verentiam et obedientiam inpendatis, sibique ad recuperandas et retinendas possessiones et bona Corbeiensis monasterii viri- liter et fideliter assistatis. Nos siquidem eundem abbatem pa- terno affectu diligimus et, in quibus secundum Deum possumus, volumus exaudire.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}