Dilecto in Christo patri et domino suo Wibaldo venerabili 1148 Corbeiensi abbati fratres Corbeiensis aecclesiae debitam patri obedientiam et devotam orationum instantiam.

Congratulamur paternitati vestrae, quod prosperum even- tum habuistis in componendis his, quae inter homines vestros dissidebant, tum propter vos tum propter fratres nostros Sta- bulenses, tum etiam propter nos, qui multo desiderio presen- tiam vestram expectamus. Quia etenim vos ut patrem diligimus, semper presentem habere vellemus, set quoniam providentia vestra ad multorum procurationem spectat et ideo solis nobis intendere nequaquam potest, obsecramus paternitatem vestram, ut saltem post multos dies, quibus presentia vestra egre carui- mus, redire ad nos non abnuatis, scientes procul dubio, quod presentia vestra non minus quam fratres nostri Stabulenses iam indigemus. Non eis quidem presentiam vestram invidemus, set nobis de absentia vestra multum condolemus. Quia igitur ali- quantulum vos de ceptis laboribus expeditum audimus, iterum atque iterum rogamus, quatinus, mox ut hunc nuncium vestrum receperitis, de reditu vestro ad nos ordinetis nec filios vestros ulterius de absentia vestra affligi permittatis. Omnes pene in regione vestra prophetant, vos ultra non rediturum.

1. Nov. 18.

174 WIBALDI EPISTOLA 99.