Monumenta Corbeiensia, Nr. 59, S. 156
1147 Dilecto patri et amico suo Guidoni sanctae Romanae ec- clesiae cardinali diacono1, apostolicae sedis cancellario, frater Wibaldus Dei gratia minimum quod est, se ipsum et sua.
Scripsit nobis eruditio vestra" et verum" est, quia verus amor otiosus esse non potest. Illud etiam eque, certum est, quod idem verus amor nec suspectus nec suspiciosus est, nec accipiens nec contemnens personam. Inde est, quod mensuram nostrae parvitatis excedentes, vestrae celsitudini cum quadam fiducia plane et quasi coequaliter loqui et scribere consuevimus, non attendentes, cui scribimus, set quantum diligimus. De adventu nostro ad vos sic ordinabitis, ut vestram excellentiam deceat et nostrae inbecillitati conveniat. Misimus vobis antidotum contra frigus hiemale. Sit hoc diacalamentis *, quod licet exiguo pro- stetb pretio, eque tamen potens est, ut inops Arduenna asserit, sicut diamargariton*. Obsequium, quod domno papae et sanctae Romanae ecclesie in liberandis captivis inpendimus, et attente commendabitis et eleganter ornabitis; quod ex litteris, quas domno papae misimus5, et ex legatorum nostrorum viva voce plenius intelligetis.
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}