1150 Domino vere sancto et omni veneratione digno W(ibaldo) Corbeiensi abbati frater Emehardus", ille humilis et qualecun- que vas in domo magni patris familias, cum fraternae dilectio- nis obsequio, quicquid potest sincere mentis affectio.

Si vivis et vales ac secundum Deum prosperaris in omnibus, gaudet animus meus, exultant viscera, gestit affectus. Ego enim fateor et iure debeo et libenter volo et bene possum sanctitatis tuae personam amare, virorum optime, quia parvitatem meam, sicut ab ore tuo accipere potui, etiam absentem et corporali adhuc facie incognitam propter quaedam, quae tibi ab amatori- bus meis de me bona dicebantur, dilectione tua dignum iudicasti; et presentem postea familiariusque cognitam in omni loco, ubi nos duo convenire potuimus, supra vires et merita mea honorasti. Unde desiderantissime fraternitati tuae de mea fidelitate indubi- tanter constare volo, quod, ubicunque possum et boni nominis tui famam augere et causam tueri, libenter faciam et feci et cotidie facio; quoniam similia a te exspecto. Domnum A., presentium portitorem litterarum, hominem satis afflictum et bonorum solaciis indigum, pietati vestrae attentius commendo, ut, sicut misericorditer cum eo facere cepistis, ita usque in finem

a. Emefi r.

1. Arnoldum. 2. episcopus Meklenburgensis.

WIBALDI EPISTOLAE 255. 256. 381

iuxta quod eius se causa habet cum eo facere perseveretis. 1150 Omnis enim boni principii et recti operis finis expetendus est. De cetero sit vobiscum Dominus, et vester spiritus nobiscum in ipso.