1148 W(ibaldus) Dei gratia Corbeiensis abbas dilectis in Christo filiis et fratribus suis E. venerabili priori et caeteris Corbeiensis aecclesiae filiis benedictionem et vitam usque in seculum.

Racio consilii et instituti nostri poscebat, ut apud Stabulaus moram longiorem faceremus non solum pro removendis impor- tunitatibus, quae et Stabulensem aecclesiam et totam terram Lotharingiae fatigabant, verum etiam quia ordo quidam et rerum necessitas paucissimis considerata postulare videbatur, ut usque ad caput hiemis abesse a vobis deberemus. Caeterum nos — qui etiam in re bene provisa et a nobis singulariter ordinata multorum communem sentenciam sequi consuevimus — tociens vocati a vobis, iam non venire non audemus, magis volentes vestro iudicio, si ita opus est, errare, quam in nostrae dehbe- rationis proposito, licet rectum et consequens videatur, perma- nere. Ut autem sciat vestra fraternitas, tempus nobis ocio- sum non preterisse, inter comitem Namucensem et comitem de Lon et comitem de Dasburch, quorum discordia totam terram lacerabat, pacem Deo auctore usque in festo sancti Remigii1 fecimus; atque inter comitem de Rupe, qui noster advocatus est, et comitem de Monte acuto, qui multorum incitamentis ma- xima inter se bella movebant, finitivam et toti terrae salutarem concordiam reformavimus. Adversarios nostros, qui bona aeccle- siae nostrae diripuerant, divina potencia subegit, ut nobis nostra cum ingenti satisfactione restituant. Ad sedandam vero ipsam discordiam, quae est inter ipsos et ministeriales nostros, cum diu multumque laboraverimus, pauxillum temporis assumpsimus, in quo omnia, Dei adiuvante clemencia, ad perfectum perducere valeamus. Et in vigilia assumptionis sanctae Mariae* ad vos cum karitatis gaudio perveniemus.

1. Oct. 1. 2. Aug. 14.

WIBALDI EPISTOLAE 102. 103. 177