112 WIBALDI EPISTOLAE 33. 34.

1147 qui ubi vult spirat1, qui repente venire consuevit, nullas in captando vestro vel alicuius consilio moras nos habere permisit; set mox ut cor nostrum mirabili digito tetigit, ad sequendum se sine ullo more intervenientis spacio totam animi nostri in- tentionem impulit. Et quoniam vos ad partes Galliae tam per litteras vestras quam per legatum vestrum venire cogno- vimus, venerabilem paternitatem vestram, ut ad Rhenum ac- cedere velitis, summa cum dilectione attente monendo invitamus: quatinus simul positi ea Deo miserante pariter tractare ac dis- ponere valeamus, per quae pax aecclesiarum et christianae re- ligionis ordo congruis provectibus augeatur et regni nobis a Deo concessi status cum nostri honoris incremento oportunis decretis firmetur. Et quoniam in articulo profectionis nostrae nulla nobis prolixitas temporis suppetit, in sexta feria, quae in paschalem eptomadam habetur*, desideratam faciem vestram apud Argen- tinam videre optamus. Legatos nostros, viros utique pruden- tes et discretos ac sanctae Romanae aecclesiae regnique ama- tores ac nobis carissimos, Bucconem videlicet Wormaciensem episcopum*, Anshelmum Havelebergensem episcopum, Wiboldum Corbeiensem abbatem, vestrae sinceritati commendamus, ut ea, quae vobis dixerint, tamquam ab ore nostro audiatis et in rebus sanctae Romanae ecclesiae et regni cum eis familiariter tractare ac disponere non abnuatis.