Reverendo patri suo et domino H(einrico) venerabili epi- 1149 scopo Mindensis ecclesiae frater Wib(aldus) Dei gratia id, quod est in ecclesia catholica, exiguas orationes et devotum servitium.

Gratias referimus vestrae celsitudini, quod per dilectum fratrem nostrum magistrum C. et per litteras vestrae dilectionis exiguitatem nostram visitastis. Quia enim de verbo, quod est inter nos, solliciti fuimus, et sinceram inter nos esse dilectionem quam alicuius discordiae nevum preoptaremus, proxime, sicut paternitas vestra recordatur, per fratrem nostrum C. litteras vestrae sinceritati direximus, in quibus hoc vestrae excellentiae optulimus, ut, quoniam domini nostri episcopi Patherburnensis et Monasteriensis, maioribus forsitan causis impediti, ad nostrae causae compositionem venire distulerunt, nos vobis absque eis loco et tempore, quo vestrae dignationi complaceret, occurrere- mus. In hac peticione perseveramus, et ut diem et locum, quo vobis oportune et tute possimus occurrere, nobis designetis, in- stanter postulamus. Parati enim sumus, sicut a principio vestrae commonitionis loqui consuevimus, innocentiam nostram in facto nostro vobis ostendere, quam sicubi minus valemus demonstrare, tam vobis quam ecclesiae vestrae ad omnem iusticiam volumus satisfacere. Diem et locum, quo apte et secure possimus venire, in vestra ordinatione ponimus. Nam necessitatem et quas pa- timur angustias et partem periculorum nostrorum legatus vester occulata fide satis intellexit.